滋賀県琵琶湖之旅 長濱觀光護照詳細介紹

熱門旅遊人氣地點京都，充滿靈氣並帶着生氣及活力，感受完佢嘅人氣同靈氣之後，繼而下一個地點，你哋又會點樣選擇呢🤔…我哋就會找個憩靜、浪漫又古樸嘅小城市 乘搭新幹線🚄距離京都40分鐘車程左右已到達臨近琵琶湖嘅長濱，可以近距離觀賞琵琶湖之外，你仲可以感受到長濱的浪漫氣息🎋，如果只得一天時間，當然要去著名景點黑壁廣場附近一帶遊覽，如果時間充裕的話，我建議大家買一個兩日pass🎟，可以玩盡長濱👯‍♀️ 就係呢隻［長浜おでかけパスポート］長濱觀光護照，1500yen在兩日內任用，可參觀13個展館🕋及指定食店有優惠🈹️(如折扣、送飲品等) 可於網上購買🖥又或在當地購買，我哋就响當地嘅長浜駅嘅観光案内所購買🏠，非常方便 我哋參觀咗比較近長濱站，同時腳程🚶‍♀️可達嘅展館共6個，其實我哋想去齊7個，可惜［ヤンマーミュージアム］洋馬博物館當日休館，此館入館料成人900yen，而且呢個展館有好多互動體驗，邊玩邊學習，例如使用拖拉機、電鏟、農活等 講返我哋去過嘅6個展館先，包括有長浜城歴史博物館、長浜鉄道スクエア、慶雲館、海洋堂フィギュアミュージアム黒壁、長浜市曳山博物館及長浜別院大通寺 等我哋逐一簡介下去過嘅6個展館先😃(有2個展館上篇文章已介紹過，有興趣可重溫) 1️⃣長浜城歴史博物館 入館料 410yen 館內展示咗關於豐臣秀吉以及城下町嘅一些資料文物，最上層嘅瞭望台建有環繞四方嘅迴廊，所以可以眺望到附近以及琵琶湖嘅景色，確實唔錯🤩，可惜當日天公不造美🙈 2️⃣海洋堂フィギュアミュージアム黒壁(海洋堂公仔博物館黑壁） 入館料 1000yen 建築物外貌好有大正風格，進入博物館入口，有《北斗之拳》嘅拳四郎、拉烏及尤莉亞歡迎你🎊；博物館常設展室有五大展區，另外仲有期間限定嘅主題公仔展室，展品總數超過5000件，鍾意手辦公仔嘅朋友千奇唔好錯過；唔想入展館嘅朋友都有手信及扭蛋區，可以自由參觀🙌 3️⃣長浜市曳山博物館 入館料 600yen 曳山博物館主要係介紹“長浜曳山祭”，館內展示咗真實曳山(彩車)，同時亦介紹長浜歷史及美術企劃展；喜歡曳山嘅朋友絕不能錯過😆 4️⃣長浜別院大通寺 入館料 500yen 大通寺係滋賀縣嘅一座古剎，建於江戶時代初期，遊客可以欣賞到華麗嘅桃山文化；本堂同埋大廣間據說係伏見城遺跡，已獲指定為日本國家重要文化財；同時亦擁有大量屏風壁畫等珍貴文化財，如果唔入展館，正殿亦可隨意參觀👯 圍繞住長浜駅附近腳程所到嘅心水展館已經行完，離開長浜去下一站？！仲未…當然要去吓長浜必到景點…黑壁廣場一帶 📍黒壁廣場 長濱市元濱町北國街道及大手門通交差口一帶，由日本江戶時期至日本明治時期古老建築所改裝而成，有美術館、玻璃工作室及商店、餐廳等，係一個活化綜合觀光地區，古舊得嚟又新派，既有活力又有浪漫💫 📍萬華鏡 日本最大嘅垂直萬花筒， 8 米高，位於黑壁廣場附近嘅湯一番街(岩町通)，睇起來好似一座塔，其實係一座巨大嘅萬花筒，好值得一看👀 長濱市內實在太多景點， 行到腳軟又肚餓，去咗呢間長濱必到嘅人氣啤酒餐廳 “長浜浪漫ビール”🍻 🍻長浜浪漫ビール 釀酒廠房及餐廳位於同一棟大樓，所以能夠享盡地利，可以短距離內品嘗到新鮮現釀嘅啤酒😋 食物方面質素高又唔貴，出示長濱觀光護照仲有95折添，我哋當晚慳咗690yen🤑，想睇詳細食評，請密切留意出文🙏🏻 結算6個展館嘅入館料及啤酒餐館嘅折扣後，每人本來需要支出3455yen，但只需買個1500yen嘅pass，就可以慳1955yen，所以買呢個pass，絕對係非常之抵🤑 齋睇文章唔夠真實，有片有真相，鐵定5月5日晚上9時有片睇🎬，敬請收看 魚堅日記 第3話 有2個展館上篇文章已介紹過，有興趣可重溫 滋賀県琵琶湖之旅 長濱[ 一pass在手玩盡長濱］ | U Lifestyle 唔想睇文章，又得…😂可上我哋嘅魚堅日記YouTube channel 直接睇片👇 [堅日本•滋賀県•長浜] 第2話: ＜琵琶湖深度遊＞利用觀光Pass📗玩盡長浜I 體驗立食居酒屋文化 l 入住與琵琶湖零距離度假酒店 #日本 #琵琶湖 #日本自由行 #日本自由行攻略 #滋賀縣 #長濱市 #長濱觀光護照 (此文章由U Blog 同步發佈至社群)