新開浪漫希臘🇬🇷餐廳

一直好想去起滿藍白色建築物嘅希臘愛琴海旅行 但估唔到香港都有用呢個做主題嘅餐廳🤩成間裝修白雪雪好浪漫純潔 每個角落都係打卡位 ❣️希臘沙律配地中海發達芝士 $78 沙律菜混合粒粒feta cheese🧀 淡淡羊奶味小小鹹 切成一粒粒啖啖都食到 酸味味嘅黑醋汁加上濃香芝士 十分開胃 ❣️他他吞拿魚沙律配牛油果及日本沙律汁 $98 將牛油果打成蓉做base砌成塔 中層鋪滿吞拿魚粒 係完全佈滿個隻😳面頭仲有啲沙律菜 一口氣㗳曬三層 底層軟綿綿到中間有口感至到面層嘅爽脆 有啲似食緊cake感覺好得意 ❣️西班牙辣椒鑊仔蝦 $88 呢個係必食推介 橄欖油炒🦐再加埋洋蔥絲同西班牙辣椒 食落好惹火 睇個樣仲以為會好辣 但辣味keep住徘徊喺口腔唔會嗆喉嚨 就算唔係好食得辣嘅呢個都強烈推薦🤩 ❣️西班牙海鮮焗飯 $188 成盤勁多海鮮超級足料 青口魷魚大蝦樣樣有齊 飯底因為焗飯關係所以頗濕潤 同時保持海鮮水份😋有別於一般嘅西班牙飯 海鮮隻隻大粒新鮮 即叫即焗熱辣辣好過癮 ❣️西柚鮮奶咖啡(凍) $50 富士山杯嘅造型分層粉啡色好靚 下層係西柚汁溝鮮奶 上層鮮奶咖啡 攪勻後咖啡略帶淡柚味 相當清新 同平時苦澀嘅咖啡對比更易入口☕️ ❣️希臘蜂蜜柚子伯爵茶(熱) $45 希臘蜂蜜比一般蜂蜜更加細緻濃郁 加上柚子伯爵茶嘅茶香 呢個配搭好創新😆 #社群相聚