太子日式串燒燒鳥居酒屋｜隱藏美食

秋天開始來了，今日去旺角購物準備換季，行左半日已經買到一袋二袋好累，經過喱間日式居酒屋，睇過餐牌食物種類都好多選擇有串燒、刺身、鍋物，價錢又唔貴，決定同朋友來晚餐 紫菜芥末八爪魚 八爪魚爽滑彈牙，帶點芥末辣味，配啤酒剛剛好 味醂魚乾 如果烤到剛剛好，唔會太乾身，煙煙韌韌的口感好正好好食！ 厚切牛舌芯 比起一般嘅牛舌更厚身，口感更軟嫩，多汁又有嚼勁，好味！ 味噌燒大腸 好濃香的味噌味，大腸表皮炸到好酥脆，好肥美！ 岩鹽燒羊架 羊肉香嫩，唔會太羶，好juicy！ 免治雞肉棒配雞蛋 店家說免治雞肉棒混合了雞皮、雞胸、雞髀肉，所以食落口會更爽嫩，配埋生雞蛋，絕配 雞心 雞心表面香脆，食落口有點像雞腎，口感較柔軟 秘制半熟鰹魚他他 老闆推介，話喱款係大阪名物，好濃郁既魚香味，外皮帶點炭烤味道，口感和吞拿魚刺身差不多，好滑爽的一款前菜 清酒煮蜆 滑酒味唔會太濃，蜆肉好大粒好爽甜，正！