雖然間唔中都黎呢度開餐,但對於呢個黃金芝士鷄煲 ($208/小)就再度重遇上。 芝士量可以選擇多少,因仲要留肚打邊爐,呢個係普通份量。關蓋煲至芝士熔掉就食得。 估計小份都有半隻鷄份量,每舊都厚肉,一夾起就出現我最期待嘅畫面……….拉絲。芝士嘅咸香包圍住成舊鷄肉,好味又邪惡; 煲內仲有芹菜同洋蔥,增加香味又可以解吓膩度。 每次黎呢度嘅指定動作都係食牛頸脊,要試多D唔同部位,今晚食霜降Prime牛板腱 ($198/小) 脂肪比起牛頸脊少,開初都驚烚完會唔會變成柴皮。切成薄片,烚十零秒就已轉色食得。入口係嫩滑,肉味幾香,下次黎幫襯牛肉類又可以多一個選擇啦……哈哈哈。 呢度嘅丸同菜類可以有半份咁叫,岩晒D三心兩意,有空間可以叫多幾款。就好似呢客手打五寶拼盤 ($63/半份),分別有鯪魚球/墨魚丸/牛肉丸/蝦丸/豬肉丸,每款一粒,好似五大星球。食過邊款好味嘅就可以再單獨再叫。 推介墨魚丸,烚完都仲咁大粒,口感彈牙,食到墨魚粒,唔係一團粉就算。 仲有鯪魚球,鬆化得黎有點嚼口,鯪魚味幾出。 友人歡喜食魚,專登叫碟脆鯇腩 ($98)比佢。一客6件,唔算太厚切但色澤亮麗,望落幾新鮮咁。 貪腩位有肉得黎只有一條大骨,口感爽脆。 想再飽肚D?! 咁就叫客紅薯粉 ($22) 芝士湯底遇上紅薯粉,入口滑嘟嘟,獨有煙韌口感仍在,食完都幾滿足。 今晚呢餐邪惡度爆燈,明天要做返多少少運動先得啦…………….哇哈哈。 #米走雞 #芝士雞煲 #麻辣雞煲 @runningchicken_hk

地址
米走雞
太子彌敦道761號太子藍馬之城2樓, Mong Kok, 香港
評分
4/5
下一篇載入中