高性價比日式炸雞!來自日本的過江龍炸雞專門店KARAYAMA

最近去咗荔枝角嘅AEON超市買嘢，搵到一間好好味，而且高性價比嘅日式炸雞專店。呢間店係開放式食堂嘅設計，裝修好有日本風，用咗深色木，暖色燈光，營造出日式傳統感。以好親民嘅價錢就食到黎自日本嘅過江龍炸雞專門店，真係好味又超值！好推介比鍾意食炸雞嘅人😋！ ～ 泡菜 $12 首先叫咗一個泡菜做前菜。泡菜口感好爽脆，酸酸辣辣仲甜甜地，味道好好食，真係好開胃。好鍾意呢個泡菜，佢真係好啱做開胃菜。😋 ～ 香炸雞翼 $9/pc 試咗其中招牌嘅香炸雞翼。呢個炸雞翼炸漿係薄薄果種，炸得恰到好處，皮脆肉嫩，食落去好多肉汁。調味有微微嘅辣同埋香料味，作為小食真係好好食，雞翼愛好者記得試吓。😋 ～ KARAYAMA定食 $58 點咗店內人氣推介嘅KARAYAMA定食。呢個定食真係超級豐盛！有炸雞、飯同埋麵豉湯，份量好足夠。炸雞炸到金黃色而且非常大嚿，外脆內嫩，啖啖肉😍😋。可以揀兩種醬汁，我就揀咗明太子蛋黃醬同埋黑椒秘製醬油，兩款都好好味😋！配菜都好豐富，有切到非常之幼嘅椰菜絲，加入秘製芝麻醬，撈埋椰菜絲做沙律非常開胃。仲加埋麵豉湯，令呢個定食更加豐富味美，再食埋個飯真係好滿足。食完呢個KARAYAMA定食，真係飽到不得了。😋😋 KARAYAMA 東京淺草炸雞專門店 (碧海藍天) 📍荔枝角深盛路8號碧海藍天AEON超級市場地下L013號舖 推介度：⭐️⭐️⭐️⭐️⭐️/5⭐️ #KARAYAMA #東京 #淺草 #炸雞 #專門店 #炸雞專門店 #炸雞翼 #泡菜 #日本直送 #日本 #日式 #居酒屋 #荔枝角 #碧海藍天 #AEON #熱門菜式 #打卡 #攻略 #chill #週末 #下次要再食