灣仔鵝頸橋平靚正韓國外賣小店

灣仔近鵝頸橋附近有間韓式外賣店叫做生生市場，螢光黃綠招牌好易認💛💚店舖由幾位韓國阿豬媽主理🇰🇷每日親手製作不同款式的韓式熟食，例如炸雞🍗、煎餅、韓式拌飯、紫菜飯卷🍙等，買咗幾樣返屋企食質素都好平均😋 韓式炒粉絲 $48 (🌟9/10) 必試首選，粉絲晶瑩剔透好煙韌，炒得一啲都唔油膩，配料超豐富，有冬菇、紅蘿蔔🥕、洋蔥🧅、木耳、菠菜，加入白芝麻更提香😋超有韓國風味，食到停唔到口🤤🤤食唔晒第日蒸返熱仲係好好食～ 辣豬肉紫菜飯卷🍙 $50 (🌟9/10) 飯卷已經切開約8-10件，餡料比例比飯更多，除左有惹味辣炒豬肉，仲有酸蘿蔔絲、紅蘿蔔絲、青瓜絲、蛋絲等，口感十足，女仔一盒已足夠飽肚，有時lunch 唔想食咁多飯就岩啦🫶🏻 芝士紫菜飯卷🍙48 (🌟9/10) 芝士呢款出奇地好食😳芝士鹹香味好重，唔係淡茂茂個種，同紫菜、飯同其他餡料超夾🥹🥹 海鮮煎餅🦐 $58 (🌟8/10) 煎餅大大塊好煙韌，又係一啲都唔油膩，好欣賞阿豬媽手藝，入面有蜆肉同八爪魚🐙仲跟醬油同辣醬，辣醬都唔會話超辣～ 韓式烤雞拌飯 $65 (🌟8/10) 怕辣人士可以叫呢個，完全唔辣，又係有超多配料，有芽菜、紫菜、蘿蔔絲、翠肉瓜、菠菜等，仲有煎蛋係飯面，醃過嘅雞肉甜甜地好好味😋 佢呢度都有賣海鮮同凍肉，有韓國入口嘅韓國牛肉、豬肉，岩晒打邊爐或者烤肉🍖價錢都好合理👌🏻 放工去不斷有客，睇嚟街坊都好鍾意幫襯💛 生生市場 (永德大廈) 📍灣仔堅拿道西15號永德大廈地下G13號舖 #韓式料理#韓國美食#韓國#UCreator#Foodie#UCreatorHK#MOMENTSwithUCreator#BESTFOODwithUCreator#灣仔美食#韓國菜