鮨之盛宴 尖沙咀嘅🇯🇵鮨盛，兩位主廚👨🏻‍🍳有20多年嘅廚師發辦經驗，師承🇯🇵日本師傅鈴木正志👨🏻‍🍳，具專業嘅匠人手藝！晚市做緊「第二位半價」or「免費無限追加大拖羅壽司🍣」嘅優惠，真係好抵玩🤩！ 🌸Dinner Omakase - Shen $1680/位 前菜、刺身、季節料理、壽司、卷物、湯品、甜品 令我印象深刻嘅，有以下幾道菜😍： 🐡鮟鱇魚肝 口感軟綿，入口即化🤤，於口腔爆發出魚肝嘅鮮味，正😍！ 🔥炙燒鰆魚刺身 帶油香，魚肉結實而甜美🥰，加少少醋麵豉作點綴，味道超級討好☺️！ 🦐牡丹蝦壽司 大大隻而且軟糯甘甜，櫻花蝦🦐增加了口感同埋蝦味！ 🔥炙燒金目鯛壽司 中間加入了烏魚子粉，入口先是🐟金目鯛嘅香郁魚味，尾段Feel到烏魚子粉嘅咸香，呢個組合頗有驚喜🤩！ 🐟大拖羅壽司 蛇腹位置，油脂含量極高🤩，輕輕一嚼已經化開，整個口腔都係令人愉悅嘅脂香🤤！ 🐚馬糞海膽壽司 用上了兩款嘅🇯🇵馬糞海膽，口感Creamy，味道濃厚甘甜，極其鮮美😍！ 🐟鯖魚卷 加入白板昆布、酸薑、干瓢等，入口醋香怡人😋，酸度啱啱好，十分美味👍🏻！