難忘的一夜

好多年無去龍華酒店, 原本諗住只係食一餐晚飯, 估唔到竟然額外驚喜 走過掛滿紅燈籠小徑，見到2隻龍華飼養多年的孔雀，再行前就會見到鸚鵡妹妹，今次晚飯最特別之處係有變臉同刀鋸美人，2個表演都相當精彩，咁近距離可以欣賞到真係好難忘。 龍華脆皮燒乳鴿 / 原味鹵水乳鴿 $98 龍華最出名係乳鴿，外皮香脆，肉嫩多汁, 名不虛傳 馳名沙田雞粥 $168 粥底綿密，雞塊嫩滑，雞味滲入粥內，內有爽脆生菜絲 乾炒牛河 $138 乾炒牛河係李小龍係龍華最愛既菜式, 當然要一試, 牛河炒得乾身而不肥膩，牛肉有咬口而不韌 姜蔥焗廣島蠔 $198 廣島蠔肥美肉嫩, 經烹煮後吸收姜蔥及醬汁, 餸飯一流 山水豆腐 $138 最後當然要食番碗豆腐花做甜品，豆腐花白滑可口， 甜度適中 #全民打卡企劃