性價比高生蠔專門店🦪

懷舊餐廳 - Marco's Oyster Bar & Grill！裝潢似足以前嘅西餐廳！門口大大舊芝士好正宗！ 餐牌主打食生蠔🦪仲要係超抵價！駐場仲有歌手自彈自唱好有氣氛！ 🦪Cartiera 、 Irish、Scottish🦪 我比較鐘意食爽口嘅蠔，店員推介南非、愛爾蘭及蘇格蘭呢三種，每款都係$28/隻；十南非蠔size 比較細，肉質爽甜；愛爾蘭比較厚身，蠔味清新帶點海水味；蘇格蘭蠔肉結實爽口，蠔味最出眾！$28隻好抵食！ 🍕新鮮水牛芝士蕃茄薄餅 以新鮮水牛芝士及蕃茄打出茄醬，咁簡單就係咁好食！芝士拉𢇃仲食倒好RICH嘅芝士味道！自家製嘅番茄醬酸酸甜甜十分夾！ Pizza餅底香脆可口! 推介！ 🧄蒜片活蜆炒意粉🍝 蒜片香氣撲鼻但食落不會太油膩；粒粒活蜆肉飽滿鮮甜，意粉煮到剛剛好，彈牙又惹味！配菜有菇類，口感豐富有層次！ Marco's Oyster Bar & Grill 地址：📍佐敦西貢街23號彩鴻酒店1樓