親子好去處 | 茶果嶺海濱公園 | 觀塘

今日去東九龍（觀塘）換身份證順便帶鰻魚B去「茶果嶺海濱公園」，首先最吸引鰻魚B嘅竟然係個海😆足足企左5-6分鐘先肯行，期間不停問美人魚去咗邊。 一去到公園，地方比想像中大，基本上有滑梯、千秋、旋轉凳、迷宮、跳彈床、屋仔，仲有一啲可以影相嘅擺設。公園嘅設計亦適合唔同年齡嘅小朋友玩，見到未識行仲爬緊嘅BB都有坐係公園到玩。當日我去係平日唔算多人，而且最好嘅係近海邊，玩得耐都唔會熱，仲有海風都幾舒服㗎！ 茶果嶺海濱公園 地址：香港九龍曬草灣觀塘污水泵房海旁 交通：從觀塘渡輪碼頭步行約5分鐘；從觀塘港鐵站B1出口步行約13分鐘；或從藍田港鐵站D1出口步行約15分鐘 時間：07:00 - 23:00 #親子好去處#親子玩樂#親子日常 #親子假日好去處#親子放電好去處 #親子玩樂好去處#親子#親子活動#茶果嶺海濱公園 #觀塘 #觀塘好去處