主打意大利拿玻里手工薄餅🍕 Little Napoli

🌟餐廳：Little Napoli 📍地址：跑馬地景光街8號景光樓地舖 💰價位：$100- $200 ⏰營業時間：星期二至日12:00 - 15:00 / 17:00 - 21:00 （逢星期一休息） 📱電話：68821823 Pizza一向都係我最鍾意嘅食物之一😋😋朋友仔今日特登帶我嚟到跑馬地呢一間「Little Napoli」🤟🏻餐廳主打意大利拿玻里手工薄餅🍕除咗餡料選擇眾多之外，餅底配合拿玻里薄餅嘅傳統，特別鬆軟煙韌，今日成班朋友嚟到，可以嘆多幾款唔同口味💋💋 ——————————————————— 🔹 Nerano 材料豐富，滿滿意式風情！ 上層鋪滿風乾豬面頰肉及意大利青瓜，當然唔少得奶味香濃既意大利鮮乳酪及碎Provolone芝士，拉絲效果特別出色，醬汁用上聖馬札諾黃番茄醬，配合羅勒葉，味道特別清新開胃，成個組合perfectly matched🩷 ——————————————————— 🔹 Vesuviana 菜式命名以意大利拿玻里灣旁著名活火山致敬，特別加入意大利茴香豬肉腸、西蘭花葉、煙燻 Agerola 水牛芝士、羅馬羊奶芝士及辣椒碎，色香味俱全，特別係煙燻 Agerola 水牛芝士，味道濃厚之餘，口感煙韌，啖啖芝士奶香，值得一試😬 ——————————————————— 🔹 Boschiva 鍾意啖啖肉既朋友仔一定會鍾意呢一款pizza！ 材料加入上乘巴馬黑毛豬頸肉 Coppa ，咸香味十足，肉味濃烈，豬頸肉部位肥瘦相間，入口特別鮮嫩，油香味突出，搭配火箭菜、磨菇及香草配料，口感層次感十足，啖啖滿足🌟 ——————————————————— 🔹 Diavola 呢款Diavola薄餅，味道微微辣，辛香可口！主廚以拿玻里黃蕃茄調教出秘製醬汁作為薄餅餅底之Monaca，加入豬肉腸、阿傑羅拉煙熏水牛芝士及羅馬羊奶芝士，口感豐腴，混合辣椒碎，食得好過癮！ 值得一提拿玻里黃蕃茄比常見既紅蕃茄酸度較低，果味更濃厚而且甜度較高，成個組合既清甜又帶點香辣，別有一番風味🔥 ——————————————————— 🔹 Contadina 主打來自意大利博洛尼亞之意大利傳統火腿Mortadella ，色澤粉嫩，香氣迫人！ Mortadella 燻製豬肉香腸，制作過程及材料非常講究，而且人工鹽味極少，豬肉自身既咸香味更為突出，配料加入清新爽脆火箭菜及橄欖油等材料，入口特別油潤Juicy，另外更灑上松露碎，成個組合特別邪惡，超滿足💁🏻‍♀️ ——————————————————— 🔹 DIVA 另一款充滿意大利風味既pizza！同樣用上黃蕃茄特製醬汁作薄餅餅底，加入茄子和意大利燒肉做主角，配合煙熏水牛芝士、羅馬羊奶芝士、鮮羅勒等材料，層次感更昇華🥳 ——————————————————— 🔹 DIAVOLA 黎到最後一款pizza，當然要叫返款味道最濃厚既口味，慢慢回味下先！ 薄餅舖滿拿玻里莎樂美腸，再灑上辣椒碎，夠哂咸香及香辣，配合聖馬札諾香濃番茄醬、阿傑羅拉水牛芝士、羅馬羊奶芝士、辣椒碎、鮮羅勒及橄欖油，色香味俱全，令人回味無窮😚😚 ——————————————————— 🔹 檸檬沙冰 就嚟踏入熱辣辣嘅夏天，餐廳仲特意推出意大利檸檬調製嘅鮮檸檬沙冰，酸香開胃，清新又解膩，特別係加入檸檬皮後，清爽味爆登，超推介大家試試🍋 ——————————————————— 👅整體小總結 超推介大家黎試試正宗傳統拿坡里薄餅🍕 來自意大利拿坡里既總廚 Gavino Pilo 搜羅一系列原產地食材，誠意炮製🩷 餐廳特別度身訂造由拿玻里訂製巨型石窯爐，薄餅以高溫速烤 90 秒，即可造出外脆內軟口感，熱辣辣新鮮出爐，烤至焦脆脹卜卜並帶點炭香，同時餅底中心仍保持柔軟煙靭兼餡香可口，從未試過一款薄餅可以做呢一種咁出色嘅效果😍😍 喺呢度食pizza，店員仲會教大家以拿玻里嘅方式嚟嘆每一件Pizza，仿照拿玻里傳統食法，Little Napoli 會把薄餅原個奉上餐桌，為保餡料完整不易亂撒，食客可隨意把薄餅切開或剪開與親朋分享，再把薄餅左右對摺享用🤟🏻 仲唔快d 約埋朋友仔嚟到Little Napoli，一齊體驗拿坡里人享受薄餅樂趣💋 #UCreator#好去處#全新景點#打卡美食#chill#隱世打卡點 #社群有辦髮#想飛賞飛#年輕肌gotcha