迷你韓國街

朋友帶左我黎呢間由韓國人主理嘅餐廳🇰🇷 位置喺商場地下轉入去嘅一條內巷 一睇好似去左首爾咁 右邊有一排紅色帳幕嘅韓式大排檔 好有氣氛🎪😳 除左可以坐帳幕入面之外 室內都有位置 🌟50cm 韓式海鮮鍋 $380 呢個海鮮鍋超級震撼🤯🤩 有成張枱咁長 裏面有各式海鮮 例如有成隻蟹🦀、鮑魚、蝦🦐、魷魚🦑、青口等等 超級豐富！ 而且仲好新鮮 肉質結實 吸埋韓式海鮮鍋湯底好惹味😋 份量好多 適合share食 湯底比較辣唔食得辣嘅朋友建議點小辣😬 🌟蒜香醬油炸雞＋香腸年糕串（半份）$140 有齊炸雞同年糕 份量啱啱好！😝 咁就可以食齊晒又唔會太飽 炸雞熱辣辣新鮮炸好 炸粉厚薄適中 雞肉肉質嫩滑🍗 香腸年糕味道唔錯 🌟Bingo特製紫菜包飯 $80 🌟牛肉紫菜包飯 $65 紫菜包飯我地點左兩種口味 牛肉紫菜包飯係經典嘅味道 推薦Bingo特製紫菜包飯 芝士同埋包飯材料好夾 有驚喜👍🏻 🌟水蜜桃米酒 $140 食炸雞同海鮮就會想飲返杯☺️ 水蜜桃米酒果汁味香濃🍑 好易入口 味道清爽😚 📍Bingo & Cook (尖沙咀) 尖沙咀麼地道37-41號港匯廣場地下17-20 & 31-34號舖 #2023必玩必食