高質精緻創新日本菜, 上環高級居酒屋餐廳-SUIT

今次去到上環，喺中午時間試呢一帶其中一間出名嘅高級日式居酒屋餐廳SUIT MODERN IZAKAYA SAKE BAR，試左佢地其中出名嘅午市套餐，真係好回味🤤😋 餐廳係非常現代嘅日式風格裝修，用了深木色的設計配上深藍色，再襯金色details 位的處理帶出一種高級的感覺。店舖空間不大，一入去就見到好大的吧枱位置，背後放滿日本酒，吧枱係深木色木條設計，頂部有大大的logo加上散光的燈光效果增添高級感。 佢嘅午市套餐好豐富好多選擇，可以揀兩道菜（包括前菜和主食）或者三道菜（包括前菜，主食和甜品）的套餐。而每枱的客人都會送酸種麵包配橄欖油醋做餐前小食，好窩心。麵包烘到暖暖的，入面仲有提子果仁，好有口感，點一點橄欖油再食好好味😋 Two Course Set Lunch $148 ～茄子漬 Nasuzuke 前菜揀咗茄子漬。茄子漬係用新鮮嘅茄子切片同埋洋蔥絲用白醋醃製。個茄子腍腍嘅質感同埋香甜爽口嘅洋蔥好夾，味道酸酸甜甜，好開胃。 ～鯖魚開心果燉飯 +$20 Grilled Mackerel & Pistachio Risotto 主菜叫咗佢哋其中嘅lunch招牌菜，鯖魚開心果燉飯，好有驚喜。首先佢嘅擺盤賣相已經好靚，燉飯係整到橢圓形形狀的意大利飯包裹住綠色嘅開心果醬汁，上面放了一大片鯖魚塊再加入紅色的蕃茄粒係面，之後再撤了小片的沙律菜作伴碟，成道菜顏色鮮艷豐富，而且十分精緻。意大利飯好入味，米飯軟硬適中好有咬口，撈埋Creamy嘅開心果味醬汁，每一口都好滋味。鯖魚好大塊，燒到啱啱好，咬落去魚鮮味滿滿，撈埋開心果燉飯一齊食飯，口感更加豐富。😋 ～Flat White +$25☕️ 最後餐飲加咗$25揀咗Flat white咖啡。咖啡裝在一個好靚嘅深藍色陶瓷杯，襯返佢餐廳嘅梳化顏色，而個拉花都好靚。咖啡香濃，口感順滑，咖啡豆屬於中深烘焙，味道偏nutty，苦味和酸味好balance, 奶也不會太偏重，幾好飲！👍🏻 聽講佢晚餐嘅燒雞都好好味，下次再去上環，想再去呢間餐廳試埋晚餐和其他美食。😋 SUIT MODERN IZAKAYA SAKE BAR 上環蘇杭街89號地舖 推介度：⭐️⭐️⭐️⭐️⭐️/5⭐️ #咖啡 #cafe #coffee #日本 #日系 #高級 #SUIT #izakaya #sake #bar#日本菜#熱門菜式 #上環