尖沙咀抵食巨大化泰菜🍃

之前呢間Milu Thai 去銅鑼灣嘅時候已經想去食，成日都見到其他人去食佢招牌嘅火山排骨。估唔到佢而家開咗嚟尖沙咀，所以就帶埋一班朋友去食🍖呢度座位好闊落坐得舒服，仲有室外位，不過當日我哋就坐室內。 🌋火山排骨 $228 真係好大份，四個人都唔係好食得晒，今次揀咗酸辣口味汁另上因為有啲人唔係好食得辣。排骨肉質唔嚡口，配埋個醬汁酸酸辣辣好好食。 🔥火焰燒雞 $208 會喺你面前即席點火燒着隻雞，好IG-able🤣之後就會幫你分開斬件，雞肉滑雞皮小脆。 🥘咖喱三重奏 $218 入面包括咗紅黃綠咖喱三款，啱晒選擇困難症。之後有一啲炸魚、蝦、帶子、青口、炸軟殼蟹，同埋有啲西蘭花喺入面。 🥬馬拉盞椰菜苗 $98 好惹味，椰菜苗又唔會太老，份量都足。 🍳泰式蛋包炒金邊粉 $118 金邊粉偏向乾身，但係個味都夠，有三隻炸蝦喺上面。 🥥椰青 $52 🍋凍青檸茶 $34 🍻Chang啤酒 $42 食泰國嘢一定要叫嘢飲，因為本身都比較酸辣，叫啤酒就爽啲，椰青解渴消暑，青檸茶酸酸地消滯。 靚景指數：💛💛💛💛 好食指數：💛💛💛💛💛 抵食指數：💛💛💛💛💛 📍Milu Thai มิลู่ไทย 地址: 尖沙咀亞士厘道24-38號天星大廈4樓 #Chill住食#2023必玩必食