【九龍城區】【Macaroni Dessert Bar】

【九龍城區】【Macaroni Dessert Bar】做咗咁耐 foodie，寫咗咁多間餐廳，有好食嘅，有唔好食嘅，有一般嘅。好多餐廳喺我寫完之後我都冇乜興趣再去，然而，又真係冇乜邊間係寫完之後，我係覺得我係一定會再去，而且我係會帶埋其他人去。 今次講嘅呢間會係其中一間，首先佢位置好方便，喺何文田站嘅漆咸道北嗰邊嘅出口一出去天橋就係。其次係佢啲嘢啱我食，再三係性價比唔錯，第四係店內有隻英國短毛貓行來行去，呢幾點完全食正晒我要嘅嘢，佢贏。 第一次去我係有少少抗拒，見佢重門深鎖咁，好似好神秘。但睇 menu 用 ipad 夠晒環保已經有好感，下午茶仲有漢堡包，就叫咗 $58 嘅「芝士牛肉漢堡配薯條」，估唔到幾正喎，仲要唔細份。加 $8 要「橙汁」，係果汁先生。 咁樣嘅下午茶先至 $66，抵到爛啦，幾大都二訪埋先好寫啦。今次食佢哋嘅午餐，叫個 $100 嘅「香煎肉眼扒配黑椒野菌汁」配薯菜，好抵，我要咗五成熟，佢冇整得太生畀我。味道上，唔係茶記薄牛扒，真係肉眼扒嚟架。 呢個餐加 $10 先飲到「熱朱古力」挑起到我嘅好奇心去叫杯嚟飲吓，結果係勁濃而幾香嘅，好飲過一般飲到嗰啲。埋單 $110，係呀，頭先一直都冇提，心水清嘅讀者就計到，呢間餐廳係冇收加一嘅，我覺得真心好值得推薦。。。 （地址：紅磡蕪湖街179號地舖） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am九龍城區 #何文田 #紅磡 #MacaroniDessertBar #西餐廳 #紅磡西餐 #下午茶 #漢堡包 #芝士牛肉漢堡配薯條 #橙汁 #香煎肉眼扒配黑椒野菌汁 #熱朱古力 #英國短毛貓 #1am0914 #1ambackup