2023/24馬季開鑼日好多嘢玩🐎

仲記得之前馬季最後一日我入咗沙田馬場玩咗一晚，估唔到眨吓眼已經9月10號新馬季又開鑼✨鍾意玩嘅我梗係開鑼日就去咗沙田馬場，除咗可以睇賽馬🏇同傳統開幕儀式之外，今次我體驗咗全新嘅season opening，仲有好多遊戲同埋打卡嘅元素🤳🏻 一入去就見到有銅鑼，個個排住隊敲，咁我梗係都要敲銅鑼攞個好意頭🧧 🎶Live band+美食亭 上次勁chill嘅live band，今次又有🎼聽住音樂食住係美食亭買嘅蘋果肉桂crepe真係好鬼正🥳 😎「開鑼快訊」節拍遊戲同各類互動遊戲 經過公眾投注大堂嘅時候見到有個「開鑼節拍」遊戲，不嬲有節拍感嘅我梗係去挑戰一下🤩玩完仲有獎品🎁之後又去咗玩VR騎馬，真係好似喺賽場上面做咗騎師賽馬咁🏇 📸巨型藝術壁畫 今次去到竟然見到有五幅可以打卡嘅藝術牆壁😮係本地嘅年輕藝術家以賽馬為主題手繪出一系列嘅彩繪，以「賽馬‧香港」為主題，展現香港賽馬及馬術運動嘅獨特一面，咁IG-able我梗係唔執輸同馬仔影相🤣