【🎈人氣蛋糕店驚喜精緻西餐!】

呢間蛋糕店以招牌草莓西瓜蛋糕為人作知,估唔到西餐都有驚喜,精緻又美味😋! . 🔸[炭燒澳洲穀飼黑安格斯封門柳🥩] (HK$198) 餐廳推薦菜式之一。呢個黑安格斯封門柳以燒過嘅翠玉瓜、蕃茄仔、薯蓉等拌碟,再淋上自家調配嘅醬汁。五成熟嘅封門柳炭燒得啱啱好,外層微微焦香,內層肉質粉嫩而多汁,食落肉味濃郁,配埋醬汁食好滋味🤤! . 🔸[明太子軟殼蟹意大利粉🦀] (HK$158) 餐廳推薦菜式之一。意粉面頭再放上炸至金黃色嘅軟殼蟹,賣相唔錯!海量明太子滿佈喺意粉上,而意粉硬度適中同好掛汁,每啖食落都食到明太子,鹹香十足😍! . 🔸[招牌草莓西瓜蛋糕🍓] (+HK$39) 招牌嘅無麩質杏仁蛋糕系列之一。蛋糕以杏仁餅底、玫瑰味忌廉相間,中層夾有西瓜,頂層有草莓、洛神花果凍,再撒上玫瑰花瓣、開心果,賣相好吸引!食落酸酸甜甜,清甜可口😚! . 🔸[日本白桃伯爵茶蛋糕🍑] (+HK$39) 海綿蛋糕系列之一,仲要係季節限定!粉紅色嘅原味海綿蛋糕,充滿少女心💖!原味海綿蛋糕夾層之間有伯爵茶忌廉同白桃,頂層就有日本白桃同細細粒嘅桃味果凍,再以忌廉點綴。食落伯爵茶味突出,桃味香濃😋!不過要留意,呢款蛋糕就含有麩質㗎~ . 🔸[招牌草莓西瓜沙冰] (HK$58) 沙冰飲品系列之一。呢杯沙冰就好似液體版嘅招牌草莓西瓜蛋糕😆,由草莓同西瓜打成,面頭有西瓜,再撒上玫瑰花瓣、開心果,十分吸睛!飲落有草莓果肉,味道酸甜又清新🌿! . 🔸[茘枝西瓜沙冰] (HK$58) 沙冰飲品系列之一。由茘枝同西瓜打成,面頭有茘枝,再撒上食用花裝飾。呈粉紅色真係好靚,飲落有茘枝清甜味道😉。 . 💡妹豬仔話你知💁🏻‍♀️~餐廳有晚市優惠㗎~加HK$15可追加是日餐湯、追加任何飲品半價(沙冰除外)、追加任何件裝蛋糕半價。 . (以上價錢僅供參考,一切以餐廳為準) . ➖➖➖➖➖➖➖➖ ➖➖ 📍LIFETASTIC BISTRO (IG: @lifetastic.official ) 銅鑼灣軒尼詩道500 號希慎廣場 3 樓 326 號舖 ➖➖➖➖➖➖➖➖ ➖➖ . 🔍✨妹豬仔👧🏻! Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗~ . #muichujai妹豬仔周圍食 #香港美食 #銅鑼灣美食 #銅鑼灣西餐 #西餐 #蛋糕 #LIFETASTIC #打卡#社群試食 #熱門菜式#社群試食LIFETASTIC

地址
LIFETASTIC Bistro
Shop 326, 3/F, Hysan Place, 500 Hennessy Rd, Causeway Bay, 香港
評分
5/5
👍
下一篇載入中