石磨腸粉 • 早餐之選

幾次都太晏經過，鋪頭已經關門，無機會試到。今次難得見到有開門，立即去買嚟食。 🥢招牌腸粉 第一次食當然要試招牌經典口味，腸粉入面有肉碎、蛋、菜、蔥及菜圃。 腸粉係即叫即整，記得要預留多啲時間等。 腸粉同醬汁分開裝，自己調較鹹度，因為我鍾意多汁，所以倒哂落去😆 不過就算我倒哂都唔會覺得好鹹👍🏻 腸粉雖然皺皮但入口香滑，肉碎份量都算多，加埋其他配料就非常豐富，我最鍾意有菜圃，食落會多啲口感。 見到鋪頭整咗個排行榜，列出頭三位最多人叫嘅腸粉，諗唔到揀邊款都可以參考下。 📍明興石磨腸粉 (長沙灣) 長沙灣青山道443-445號祥利大廈8B&C號地舖