香港金滿樓❤️ 主打京川滬既中菜館

今日去咗太子做野,同事話附近新開咗間主打京川滬既中菜館,地方闊落舒適,晚市價錢實惠,一於去試試先~ 店面金光閃閃,估唔到地舖仲有間茶飲店!一樓環境企理又夠光猛,樓底高,座位舒適,食物選擇多,難怪晚市時間咁多人幫襯! 海味粉絲雜菜煲 原煲上熱辣辣,有鮮甜菜心、西蘭花、小棠菜、娃娃菜、雜菇等,仲有煙韌爽口魷魚鬚同索滿香甜湯汁既粉絲,份量十足有誠意~ 荷香花菇蒸雞 雞件鮮味嫩滑啖啖肉,醬汁濃香,配荷葉同蒸,荷香撲鼻,味道清香。 蝦籽豉油皇炒麵 將韭黃、銀芽經爆香後再加入蝦籽豉油同炒,炒麵炒至乾身好有鑊氣,爽口彈牙又有咬口,好有風味~ 鴨屎香芋泥啵啵茶 最後叫咗杯茶飲試吓,係最近好HIT既鴨屎香MIX芋泥,茶氣十足,啖啖甘香,芋泥滑順綿密,底仲有粒粒珍珠,成杯茶飲層次好豐富~ 香港金滿樓 📍太子彌敦道789號健峰保險大廈地舖及1樓 #金滿樓 #太子美食 #香港美食 #香港中菜 #香港必吃

地址
健峰保險大廈
香港太子彌敦道789號健峰保險大廈
評分
4/5
H
下一篇載入中