得閒飲茶🫖好地方👍

DHYC係Dak Haan Yum Cha ”得閒飲茶”嘅縮寫，餐廳正對海濱，景觀一流，裝修走簡約清新風格 🥢焗叉燒包$38 外皮鬆脆，包身軟腍，內裡叉燒餡熱辣辣，多汁蜜味香濃 🥢鵪鶉蛋松露燒賣$55 燒賣質地Q軟彈牙，有蝦及鯪魚肉嘅鮮味，畫龍點睛嘅松露醬增加咗燒賣嘅香味，最過癮嘅就係內藏嘅鵪鶉蛋黃仍然處於流心狀態，食落好有層次 🥢鍋貼蝦多士（5件）$88 炸到熱辣辣，非常香脆，食落唔會好油膩，最正嘅就係跟咗兩款醬，一款係雜果沙律，另一款係牛油果醬，牛油果醬裏面仲有番茄及洋蔥，兩款醬就咁食都好好味😋 🥢柱侯金錢肚$45 金錢肚爽口彈牙，墊底仲有炆到好腍嘅白蘿蔔，索埋啲醬汁夠哂入味 🥢蟹肉大良炒鮮奶$148 蛋白嫩滑無比，奶味香濃，內藏嘅蟹肉份量都唔少，仲有金華火腿蓉增添鹹香味道 🥢鳳梨咕嚕蝦球$178 蝦肉非常爽口彈牙，醬汁甜甜酸酸，但又唔會好濃味，裡面仲有好多菠蘿、青紅椒及洋蔥，整體開胃唔覺膩 茶位$15/位，提供陳皮普洱，如果唔喜歡普洱的話，可以另加其他茶種， 我就喜歡 🫖人參烏龍+$ 9，嗒落甘甜順喉 而朋友喜歡嘅 🫖碧螺春+$12，飲落清新回甘，好解膩嘅感覺 景觀一望無際，坐得舒服，感覺好chill，而且又係寵物友善餐廳，下次都可以約埋有毛孩嘅朋友一齊得閒飲茶🫖😋 📍DHYC Dimsum Restaurant 將軍澳澳南海岸唐俊街23號MONTEREY Place 1樓2A號舖 #得閒飲茶 #點心專門店 #將軍澳美食 #海濱景點 #DHYC dimsum restaurant (此文章由U Blog 同步發佈至社群)