同麻吉開餐! K11 Art Mall新台式料理餐廳🇹🇼

應該開業咗半年左右 我係比個銅鍋吸引過嚟嘻 見佢啲菜式比較新穎 又有啲fusion咁 裝潢係清新得嚟帶點輕奢風 坐得舒服 🤍麻辣牛肉豐盛鍋($178) | Rating: 7.5/10 本身想試個招牌臭臭鍋 但唔食豬腸… 見到呢個湯底應該一樣 就揀咗呢款多牛肉 湯底幾香幾惹味 夠辣但有啲啲太咸 配料有肥牛 台灣腸 枝竹 炸豆腐 丸類同菜等 份量其實唔係好多 只係啱啱好夠兩人分 🤍三文魚明太子蛋餅($88) | Rating: 8/10 呢個幾有驚喜! 蛋餅中間包住煙三文魚 肉鬆同啲沙律菜 淋上明太子醬 蛋餅偏古早味嗰種口感 其實成件事好唔台灣😂但味道又幾好 🤍麻吉三小碗($148) | Rating: 7/10 一次過試曬蚵仔麵線 墨汁鹽酥雞 滷肉飯 啲蚵仔其實好肥美 但我哋唔食😂麵線好普通 滷肉飯唔夠入口即溶 啲汁都可以再比多啲 係個雞幾好食 炸皮好香 有啲川式辣粉調味 整體6.5/10 為咗個鹽酥雞加多0.5分😀 🤍檸檬愛玉冬瓜茶($38) | Rating: 7.5/10 餐牌上面仲有好多選擇 刈包 牛肉麵 夜市小食等 整體算幾多選擇 同食得比較精緻😂 想試啲新口味可以一試 鍾意古早味台灣就唔太適合 呢個商場呢個地段呢個裝修 貴少少個人覺得尚算合理