2023/01/13

食完飯想食甜品,附近搵到呢間主打食芋圓嘅甜品鋪,裝潢都幾有特色,樓梯同牆壁都畫滿圖畫,而且有梳化位坐得舒服。 愛文芒甘露芋圓 $50 朋友叫咗呢碗愛文芒甘露芋圓,面頭見到滿滿嘅愛文芒果肉,仲有西柚肉、三色芋圓、粉粿等材料。入口係啖啖芒果肉同芒果汁,十分足料,愛文芒果味勁香濃,芒果控必食。 桃膠雪燕窩清心丸芋圓 $47 我就叫咗碗暖笠笠嘅桃膠雪燕芋圓,桃膠加上雪燕入口係滿滿嘅膠質,清心丸同芋圓煙煙韌韌,超有咬口。 冰糖雪燕燉桃膠(聖誕版) $38 原來鋪頭仲有外帶膠樽裝嘅冰糖雪燕燉桃膠,仲係薑餅人造型,非常可愛得意,買咗樽返屋企孝敬屋企人。冰糖燉雪燕甜到入心,桃膠粒粒增添口感。 。 。 芋圓一 (西環) 西環西營盤水街27號地舖 。 。

平均消費
HK$0
評分
4/5
下一篇載入中