還原🇹🇭街頭風味

想食正宗泰國嘢 梗係搵返當地師傅做主廚嘅餐廳 今次搵到呢間竟然有火山排骨食😍係每次去泰國每日都要食嘅火山排骨呀!!!! ❣️咖喱三重奏(配蒜蓉包粒) $218 一份有齊紅咖喱黃咖喱青咖喱 仲要每一格入面有唔同嘅海鮮 紅咖喱有青口🦐 黃咖喱有扇貝帶子🦑 青咖喱放滿炸軟殼🦀 大致上都係小辣偏甜味道比較易入口 跟餐嘅蒜蓉包粒用嚟點咖哩食超吸湯 軟綿綿奶油味極香濃🥺 ❣️菠蘿海鮮炒飯 $108 呢個份量超出想像 係🍍嘅橫砌面上面再有個半球體一碗飯嘅體積 面頭佈滿肉鬆 飯內有提子粒 腰果 三色豆仲有魷魚同兩隻大蝦 飯粒乾身唔油充滿菠蘿香氣 相當鮮甜 ❣️火山排骨 $228 舖頭嘅招牌菜 兩塊大排骨放置成好似屋仔咁 大家唔使驚食排骨會好論盡 店家有貼心提供手套 排骨肉經過泡浸同熬煮 已經幾乎骨肉分離🥺基本一撕就食得 肉質軟腍吸收秘製嘅酸辣汁 芫荽辣椒青檸味好開胃 兩塊肉超級大份 差唔多係兩隻手掌合併嘅長度 食極都仲有完全食唔停🤤 ❣️飛天椰菜苗 $98 同樣係舖頭推薦 配料蒜頭同辣椒爆香左炒埋啲菜度 幾乎每塊葉都可以食到🌶️香 蒜味香濃完美呈現泰菜風味 ❣️珍多冰 $36 完全用椰漿炮製 🥥味超重 綠色嘅粉條有咬口好煙韌 每次食泰菜必嗌 解辣聖品😂 ❣️凍青檸茶 $34 唔係平時港式用嘅🍋 青檸檬更重檸檬清新香 但相對會酸澀小小 但估唔到配上紅茶都match #社群相聚

平均消費
HK$398
地址
Milu thai มิลู่ไทย
2樓, Bartlock Centre, Yiu Wa St, Causeway Bay, 香港
評分
4/5
下一篇載入中