DAISO創辦人逝世😢了解100円店傳奇故事🔥 日本冷知識🇯🇵

日本傳奇商人矢野博丈逝世😔佢創立嘅DAISO可以話係日本嘅代表商店之一，亦係唔少外國嘅參考對象🙏🏻等我哋一齊籍呢個機會了解吓呢個品牌同有關嘅知識🫡 矢野博丈1943年出世，生於廣島市，佢高中嘅時候熱衷於拳擊👊🏼甚至曾經喺奧運被選為拳擊項目項目嘅強化選手🤼‍♂️ 大學結婚並喺畢業之後同太太一齊繼承家族海產事業🐟可惜店舖大約三年後倒閉，矢野博丈亦因此背上700萬日元嘅負債😢 其後佢任職過書籍銷售員、紙張回收員，生活一直平平，甚至艱困😭隨後喺契哥幫助下成為保齡球館管理人🎳亦開始喺住宅小區使用汽車進行流動販賣生意，呢個就係DAISO嘅原點 🥹 因為要照顧妻兒，矢野博丈嘅時間非常緊迫，為咗慳返貼標籤、收錢嘅時間，佢決定不計成本將所有商品通通以100yen發售😤客人嚟買嘢嘅時候，只需要一個硬幣就可以了✅ 當時矢野博丈抱住「規模雖然唔大，但名稱一定要表示『能創造大契機』」嘅念頭，嬰兒將公司命名為「大創」，DAISO✨ 最初因為商品價格太過平，唔少人質疑「平嘢一定冇好嘢」🤨為咗消除顧客疑慮，矢野博丈更加立定決心淨係挑選有質素保證嘅商品💪🏻佢嘅決定令到DAISO備受大眾認識，開始上軌道，甚至受到超級市場嘅邀請，開始有實體店🤓 1990年代，喺經濟打擊、國民經濟能力下降嘅時候，矢野博丈更加瞄準呢個契機，堅持以「100yen出售有質素保證商品」嘅宗旨打響名堂💫令DAISO急速發展，更加吸引唔少商家加入行業，成為行業龍頭、國內知名商店🏆🌟如今DAISO喺全球已經有超過5000間分店，實在係超強企業✨ 100yen店真係可以話係超偉大發明🥹多謝你矢野博丈先生🙇🏽‍♀️去日本嘅時候DAISO係咪都係你嘅必行商店之一呢？🤓 如果你都對日本冷知識有興趣就記住Follow我，睇更加多日本相關嘅Post啦🇯🇵✨ 圖片來源：Jiji Press News，DAISO官方網站 #DAISO#日本必買#DAISO推薦#日本冷知識#矢野博丈#日本好去處#日本購物