母親節的選擇 《華麗盛宴•自助晚餐》 @ Le Menu ( 灣仔六國酒店 )

計計下，今日都4月中打後，好快就到母親節，諗到去邊度慶祝未？ 與其要四圍同人逼，又要食套餐，倒不如食好少少，而今期六國酒店推出既《華麗盛宴•自助晚餐》就好多海鮮菜色，好啱喜歡食海鮮人士。 基本日子收費為： 星期一至五 全時段 1800至2215 折實後成人每位$738 / 小童$448 特選時段A) 1800至2000 B) 1830至2030折實後成人每位$638小童$348 星期六至日及公眾假期 全時段 1800至2215 折實後成人每位$768 ／ 小童$478 特選時段A) 1800至2000 B) 1830至2030折實後成人每位$668小童$378 至於5月3日、11日及12日，收費會有所調整。 海鮮 除了生蠔，大熱海鮮一定係波士頓龍蝦，質素不俗，好多膏，解凍亦啱啱好。 而同樣多膏就係咖啡蟹。 加埋青口、海蝦、雪場蟹腳及翡翠螺，陣容已經不錯。 湯 西湯是干邑龍蝦湯，好香又夠滑，質地濃稠，其實好啱配以麵包。 而中湯係竹絲雞螺頭燉豬展，好有家庭老火湯的感覺，好醇香。 鐵板燒 串燒陣容真係豐富，計有牛舌、魷魚串、雞腎串、海蝦、雞軟骨、雞翼同埋菠蘿。 牛舌厚身有肉汁、雞翼皮好香脆而菠蘿酸酸地幾開胃。 Carving Station 來一片 medium rare 的牛扒，用肉汁配以Yorkshire Pudding，味道啱啱好。 仲有熱辣辣即切既片皮鵝，油香滿滿的，加埋京蔥同海鮮醬，用薄餅皮包起一齊食，真係人間美味。 雖然邪惡，但偶爾來一件香煎鵝肝不過份吧！ 除了正常菜式外，每晚都有特別節目！ 而今晚就是堂弄鮑魚鴨掌以及火焰雪山。 在座每位客人都可以獲得一份， 雖然本身已經好多海鮮菜式，但人總係想試多幾款。 熱葷 從未見過熱葷類咁多海鮮，煮法仲多元化。 酥炸生蠔 外脆內嫩，蠔味重。 鮮蕃茄紫蘇葉炒大蝦 酸酸地幾醒神開胃，蝦肉亦夠彈牙。 清蒸星斑 火喉恰到好處，魚肉嫩滑可口，醬油調教得宜，無得輸。 芝士蘑菇焗蟹蓋 材料豐富，芝士味同蟹肉好夾，平時食一隻都要一百幾十，家陣可以任食，正。 鮑汁燴花膠 花膠夠曬滋補，男女都啱，又係可以食多幾隻。 蒜蓉粉絲蒸扇貝 係屋企都可以整到嘅菜式， 其實個人覺得粉絲仲吸引，吸收曬扇貝嘅肉汁，又有蒜香，非常惹味。 加埋北菇海螺扒時蔬、海鮮茶碗蒸及芝士白汁焗龍蝦鉗。 海南雞 同行朋友係每餐無雞不歡，而酒店本身有中菜廳，仲要由名廚德哥主理，所以海南雞非常出色，有雞味又嫩滑，朋友每次可以掃半隻，真誇張。 其他菜色有紅燒獅子頭、韓式牛仔骨、意式炒雜菜、印度薄餅 、泰式雞肉馬莎文咖哩、瑤柱鮮蝦蛋白炒飯及拿破崙炒意粉，種類好多。 刺身 有齊八爪魚、鯛魚柳、吞拿魚、北寄貝及甜蝦，解凍同樣處理得好好，不妨整返碟雜錦試試。 另外，很喜歡雜錦角切魚生丼份量少少，不會太佔胃納。 前菜、沙律及芝士 有煙燻黑椒牛肉沙律、雜錦芝士、吞拿魚薯仔沙律、蕃茄Mozzarella芝士沙律、凱撒沙律、意大利火腿、豬肉凍批、莎樂美香腸、煙鮫魚以及煙三文魚。 甜品 雪糕 先係哈根大師雪糕，味道有朱古力、咖啡、雲呢拿、 Strawberries & Cream 以及 Summer Berries & Cream，全部獨立包裝，夠衛生。 至於甜品凍櫃就有白桃烏龍茶慕絲蛋糕、士多啤梨西瓜蛋糕、德國芝士蛋糕、法式蜂蜜檸檬蛋糕配海膽忌廉、檸檬乳酪忌廉馬德蓮蛋糕、杏仁茶燉蛋白、意大利芝士餅及荔枝梨子撻。 而旁邊亦有綠茶拿破崙、焦糖燉蛋、椰汁西米糕、葡撻同埋 Apple Crumble。 加$78可以無限暢飲汽水及果汁，加$108無限暢飲汽水、果汁、啤酒、紅白酒及氣泡酒。 Facebook 專頁 : 六國酒店  地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #香港 #酒店 #母親節 #灣仔 #自助餐 #酒店餐廳 #六國酒店 #美食焚化爐 (此文章由U Blog 同步發佈至社群)