大坑必試高質咖啡店! 必點出色Sourdough，咖啡

飲過咁多間咖啡店，FINEPRINT嘅咖啡係其中一間最啱我口味同我最鐘意嘅。佢嘅咖啡好高質，今次仲試咗佢必點好出色嘅Sourdough，真係好好味！ FINEPRINT喺港島有好多間分店，今次就嚟到位於大坑嘅分店，呢度真係好有外國感覺又好chill。店舖嘅裝修係工業風，用咗灰色喺地面同牆身，店內有大量玻璃窗，室內光線充足，好舒適。 ～ Half and half🥑🍅🍞 $90 點咗 FINEPRINT 其中嘅必點推介 - Half and half， 一開頭唔知Half and half係咩意思😂，上菜時終於知道原來代表咗兩種唔同口味嘅Sourdough多士，兩種topping🥪😍😋。一款topping係牛油果，另一款係櫻桃茄cherrytomatoes，材料好多堆滿成個多士，一紅，一綠，賣相超級靚。😍😍 食落牛油果，櫻桃茄都好新鮮，櫻桃茄配有olive oil，salt，cheese，一齊食好夾好好味，又refreshing；而牛油果就配herbs，火箭菜，另外可以加檸檬汁調吓味，健康得黎有飽肚感。而底下嘅Sourdough多士暖暖地又十分香脆，不過多士嘅皮有啲太硬，如果可以軟少少就perfect 😆，但真係好好味！😋😋 ～ Flat white ☕️$35 呢杯Flat white咖啡好香濃，咖啡嘅甘苦酸甜平衡度好好，咖啡同牛奶嘅比例剛剛好，加埋個柔滑口感，覺得好好飲，好啱我口味。好有高質感覺，真係令人回味無窮。 大坑嘅FINEPRINT咖啡店，唔止可以享受到美味嘅多士同咖啡，仲感受到呢個社區舒適嘅氛圍，令我好放鬆。下次會想再嚟chill過同嘆咖啡。😋 FINEPRINT 地址： 大坑蓮花街1號地舖 推介度：⭐️⭐️⭐️⭐️⭐️/5⭐️ #必點 #出色 #sourdough #文青 #咖啡 #大坑咖啡 #大坑咖啡店 #嘆咖啡 #Fineprint #coffee #cafe #隱世 #日式 #工業風 #大坑 #熱門菜式 #打卡 #攻略 #chill #週末 #下次要再食 #打卡熱點