善用燒味剩食

雪菜火鴨絲炆米 ———————————————— 烹飪難易度（1為較易 - 5為較難）：1 烹飪時間：10分鐘 準備時間：20分鐘 材料：新竹米粉3個，雪菜1小碗，燒鴨1碗，乾辣椒1小隻，水1碗，砂糖1茶匙，雞粉0.5茶匙，蠔油一湯匙，胡椒粉、麻油、米酒、老抽各少許 製作步驟：（1）雪菜浸水15分鐘，洗乾淨搾乾水，切粒，用半茶匙砂糖撈勻。（2）米粉浸15分鐘，變軟後隔水。（3）燒鴨拆肉切絲，如果好多肥膏請移除。（4）切辣椒圈，怕辣嘅請去籽。（5）其他調味（米酒、老抽及麻油除外）倒入水中調勻。（6）中火熱鑊，落少許油，爆炒雪菜同鴨絲，灒酒，落汁料、辣椒及米粉，拌勻，煮至米粉吸收咗八至九成水份。用大約半湯匙老抽調色，最後加幾滴麻油拌勻，上碟。 烹飪貼士：（1）唔用雪菜可以改用即食榨菜，仲慳返啲洗洗切切嘅時間𠻹。