🇭🇰【🎈中環新派西班牙菜! 】 . 餐廳裝潢得好靚，例如有個花藝牆，十分有格調❤️～餐廳主打融會亞洲和新派西班牙及歐洲料理，呢晚就食咗兩個一人套餐🙌🏻。 . ◼️【前菜及餐湯】 . 🔸[巴馬風乾火腿季節沙律🥗] 風乾嘅巴馬火腿配上沙律菜，巴馬火腿帶微微咸香，加上清新嘅沙律菜，味道取得平衡😉。 . 🔸[芝士松露醬薄多士🧀] 兩塊薄多士外邊有輕微煎過，入面係芝士同松露醬嘅餡料，食落既有芝士咸香味，又有香濃松露味，十分滋味😋！ . 🔸[粟米忌廉湯🥣] 是日餐湯係[粟米忌廉湯]，濃稠度適中，粟米味比想像中嘅突出👍🏻。 . ◼️【主菜】 . 🔸[龍蝦汁西班牙海鮮燉飯🥘] (HK$338) 食西班牙菜又點少得海鮮燉飯！一人餐嚟講，呢個飯真係份量超多，而且超足料😍！分別有：大蝦🦐、青口、魷魚🦑、帶子、蜆，滿佈於燉飯上。燉飯粒粒分明，吸收晒龍蝦汁，鮮味十足❤️！ . 🔸[香烤美國安格斯肉眼扒🥩] (8oz) (HK$398) 肉眼扒好大塊，配上烤蔬菜同薯蓉。肉眼扒食落牛味濃郁，肉質粉嫩，而且充滿肉汁，沾點配上嘅醬汁食用就更惹味🤤！薯蓉口感綿滑，同埋有經調味，味道亦唔錯😉！ . ◼️【甜品】 . 🔸[重口味朱古力窩夫🧇] (+HK$68) 超級邪惡嘅甜品😈！窩夫有4小件，呈水滴形狀💧。雖然係半份嘅窩夫，但十分豐富！外邊香脆嘅窩夫，淋咗朱古力醬，底下有朱古力忌廉、朱古力布朗尼、oreo 夾心餅乾，而旁邊有球含朱古力碎嘅朱古力雪糕，仲有一細兜朱古力醬。食落啖啖都係朱古力🍫，朱古力控絕不能錯過😆！ . ◼️【飲品】 . 🔸[白酒] (+HK$32) 🔸[西班牙果酒] (+HK$32) . 💡妹豬仔話你知💁🏻‍♀️～其實仲可以揀配菜㗎，包括：[脆薯條🍟]、[牛油蜜糖粟米]、[黑松露醬芝士薯條]、[洋蔥圈]，只係嗰日好飽所以冇食到😝。而甜品另有[西班牙炸油條]、[腰果意式奶凍]可供選擇🤤。 . (以上價錢僅供參考，一切以餐廳為準) . ➖➖➖➖➖➖➖➖➖➖ 📍Espuma (M88) ( IG: espuma_hk ) 中環威靈頓街2-8號威靈頓廣場M88 17樓號舖 ➖➖➖➖➖➖➖➖➖➖ . 🔍✨妹豬仔👧🏻！ Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～ 👉🏻 𝙄𝙣𝙨𝙩𝙖𝙜𝙧𝙖𝙢 : muichu.jai . #muichujai妹豬仔周圍食 #社群試食Espuma