有氣泡酒嘆的開心下午茶

餐廳環境中西合璧，有西式嘅古典天花吊燈同時配合了中式嘅字畫，復古又典雅 Afternoon tea set包咗四鹹、四甜、兩款鬆餅及兩杯飲品，我哋星期六去仲包多兩杯Prosecco添🤩 🌮鹹點 🔸️黑松露蘑菇撻 🔸️魚籽醬糖心蛋 🔸️鵝肝多士 🔸️黑松露碎蛋沙律軟包 我就最鍾意食糖心蛋，糖心做啱啱好，醬油味道亦恰到好處，配上鹹香魚籽絕對係無得輸嘅配搭；而朋友就鍾意蘑菇撻，撻皮鬆脆餡料濃香 🧁甜點 🔹️楊枝甘露布甸 🔹️橘子檸檬法式金磚蛋糕 🔹️熱情果法式千層酥 🔹️蜜柑橘慕絲蛋糕 最吸睛嘅甜點當然係楊枝甘露布甸及蜜柑橘慕絲蛋糕，亦係我哋嘅至愛；布甸足料，啖啖柚子，清新可口，完全唔膩，至於蜜柑橘慕絲蛋糕香滑微酸並帶著淡淡嘅柑橘香味，裏面仲有蜜柑肉，清新可口 🍪傳統英式鬆餅 有原味及特濃朱古力味，質地外脆內鬆香，無論原味及朱古力味都唔錯，並配上果醬、朱古力醬及奶油忌廉，而當日嘅果醬係士多啤梨，仲有粒粒果肉，好正 🫖茶啡總共有12款可以選擇，我哋揀咗伯爵茶及薄荷茶，兩款口味配合鹹甜點都好夾 🥂意大利氣泡酒(星期六日及公眾假期） 相比平日價錢只係多$50就有兩杯氣泡酒，諗落都幾抵🤩，聞落有花香味，飲落酸酸地，清爽口感易入口 坐得舒服，過了一個休閒 舒適嘅下午🥰 星期一至五$388/2位 星期六日及公眾假期$438/2位 並奉送意大利氣泡酒兩杯 📍陳家廚房 灣仔灣仔道209-210號銅鑼灣利景酒店地庫1樓 #甜品 #下午茶 #利景酒店 #灣仔美食 #陳家廚房 #high tea (此文章由U Blog 同步發佈至社群)