新派台式飯店🇹🇼

新派台式飯店🇹🇼 同女朋友去尖沙咀食飯🍚 係K11有間稻埕飯店😋 裝潢糅合富有台灣色彩☺️ 有特色梳化座位供客人用膳🥳 台灣直送台種米同滷水醬埕製作 主打食地道嘅滷肉飯同創新甜品👍🏻 可用手機電子落單📱 蟹鉗肉酥蛋捲，158蚊份💰 餐廳嘅招牌菜式，有大量嘅蟹肉，每啖都食到一絲絲蟹肉，蛋捲超有飽足感，蛋香味濃郁🍳 鵝不是鴨肉鵝油拌麵，128蚊碟💰 獅頭鵝切得皮薄肉嫩，滷水味道清香淡雅，肉質軟潤帶彈性爽口，滷得軟腍入味，油拌麵配料有芽菜，芫荽，蔥花，拌勻後食更惹味🦢 野山豬脆皮炸大腸露筍，92蚊份💰 脆皮豬腸炸得好酥脆，唔會太油膩，大腸內釀了三星蔥再炸脆，豬腸脆卜卜仍頗有嚼頭🐖 金銀蒜泥五花白肉，72蚊份💰 五花腩中間捲住爽脆清甜青瓜，每啖都彈牙，食到五花腩嘅鮮甜，加上蒜蓉醬令到味道更好☺️ 稻埕招牌滷肉飯，38蚊碗💰 滷肉飯肉粒較細粒，可口油膩感不太重，肉汁恰到好處啖啖肉粒，味道濃郁又美味，配上溏心蛋，完美嘅配搭😋 黑糖珍珠舒芺蕾班戟抹茶冰淇淋，118蚊份💰 班㦸充滿雞蛋香氣，中間夾住邪惡軟滑忌廉，加上煙韌黑糖珍珠，淋上甜美黑糖漿，好滋味十足🍨 蜂蜜茉莉綠茶奶蓋，42蚊杯💰 綠茶奶蓋第一啖飲，奶蓋口感好重實，茉莉茶味非常重，甜度啱啱好🍵 整體環境坐得好舒服☺️ 服務態度非常好，殷勤有禮貌👍🏻 食物味道非常好，甜品好有驚喜，推介大家試吓🥳🥳