佐敦美味推介! 可愛風日式烏冬! - 肉肉烏冬

今次喺佐敦搵食,行過見到呢間日式餐廳好多人排曬隊,就跟住試吓佢。🤤因為午餐時段都幾多人,所以都要排隊等咗一陣先入到。間餐廳整體設計係日式簡潔風,仲加入咗好可愛嘅元素,好似有印有動物掌印🐾嘅杯,放筷子嘅座都係動物肉掌,而佈置同入面格局都係有啲可愛嘅風格!🥰🐾 而且所有餐具都係木製,好日本風😍。 午餐都有幾個午餐選擇,落單時掃QR code就可以📱套餐都幾抵,有主食仲跟埋小食同枝裝汽水🥤! 火炙牛肉壽喜汁沾烏冬(套餐)$138 主食可以揀湯烏冬同沾烏冬,見比較少見,所以最後揀咗沾烏冬。佢啲烏冬比較彈牙,因為鍾意食煙靭𡁻口嘅烏冬,覺得幾好味。個烏冬雖然係冇咩味,淡嘅,但係沾落湯度吸咗壽喜汁味,感覺唔錯😋。牛肉燒到半生熟,仲有濃濃火炙味🔥食落口感軟滑,又易咬好好味,雖然佢鋪滿碗,不過份量唔多,如果有多幾塊就好啦😆!最後仲可以叫員店加啲柚子湯,甜甜酸酸,幾好飲!😍🤤 另外跟餐仲叫咗天婦羅盛合,入面有南瓜、冬菇、蕃薯、同埋蝦,炸到金黃色香脆,味道都唔錯!😋 好鍾意呢度好日式,仲有好多可愛細節元素,下次再嚟試埋佢其他嘢食!😋 肉肉烏冬 Niku Niku Udon 📍佐敦白加士街1-11號康寧大廈地下C號舖 推介程度:❤️❤️❤️❤️ #肉肉烏冬 #烏冬 #香港美食 #美食 #日本 #日式 #咖啡 #天婦羅 #佐敦 #打卡 #chill #relax #熱門菜式 #打卡 #攻略 #chill #週末 #下次要再食

平均消費
HK$140
地址
Niku Niku Udon 肉肉烏冬
香港佐敦白加士街3號康寧大廈C舖
評分
5/5
😍
🤠
下一篇載入中