靚肉之選之《大邊爐火鍋店》

靚肉之選之《大邊爐火鍋店》 今晚阿姐請食升職飯，揀左九龍城上樓既打邊爐，餐廳裝修唔算高級，不過食物有質素，而且台夠大， (雙拼湯底) 香茜皮蛋+沙爹湯底 $108：香茜皮蛋湯底清甜，沙爹湯底有沙爹香，帶少辣， 封門柳 $338：聞落有少少豬膶味，顏色較深，表面帶光澤，肉質柔軟有彈性，脂肪分佈平均，牛肉味香濃， 西班牙黑毛豬 $188：肉身呈大理石紋，肥瘦平衡，肉質甘香軟嫩，油脂分佈均勻細密， 梅菜豬肉丸 $90：肉質鬆軟，梅菜香氣四溢，肉丸口感彈牙， 3秒腐皮 $68：其實姐係響鈴，不過餐廳係即叫即炸，拎到台仲熱辣辣，入口脆卜卜， 西洋菜 $40：西洋菜好新鮮，入口無渣， 總括，湯底出色，食材質素高，而且不限時好岩三五知己傾計食野。 大邊爐火鍋店 九龍城城南道12號 #foodie#hkfoodie#hkfoodblogger#美食當前#食咗先講#大邊爐火鍋店#九龍城城南道#火鍋#封門柳