大吉🍊大利

🍊以韓國濟州柑桔為主題嘅🇰🇷韓式連鎖cafe，喺香港有唔少分店，侍應戴上柑桔造型貝雷帽，非常可愛。喺openrice book位，食滿580蚊仲有88折。 最吸引眼球嘅柑橘乳酪（$68），成個柑桔放喺杯嘢飲上面，真係好打卡able。但係其實個柑桔入面嘅果肉已經被全部刮空咗，即係其實淨係得個柑橘皮🍊可能我哋早去，仲有堂食玻璃杯🥤，之後可能因為洗杯洗唔切，喺我哋之後嘅客人已經變咗用外賣膠杯，再喺膠杯蓋上面放個桔，真係有啲過份搞笑😅 🍍另外一杯菠蘿沙冰（$68），同樣有半個菠蘿擺喺個杯上面，但呢個菠蘿手真係有果肉嘅😂不過我估咁硬都未必有人咁好心機刮嚟食。但呢個菠蘿沙冰有另一個搞笑嘅地方，就係佢個菠蘿飲嘅時候啲菠蘿葉會頂到塊面😂😂😂朋友唯有拎走個菠蘿先飲得舒服啲😂😂😂 餐廳啱啱情人節🩷完咗同care bear🧸嘅crossover，可能順勢轉埋餐牌，原本想試佢嘅招牌螄蚶拌飯已經冇咗。不過佢其他食物都唔差嘅。 🍗韓式炸雞，又有骨同冇骨嘅選擇，冇骨係平過有骨少少，我哋點咗柑橘味同牛肋骨醬味，半半雙拼（$228），呢度嘅食物全部份量都幾大，炸雞外皮香脆，內裏多汁，醬汁稀杰度剛剛好。 ☁️ 泡沫忌廉玫瑰醬烏冬🌹（$98）小小微辣嘅醬汁，非常creamy嘅口感，內有蝦同埋菇。 🐙墨魚汁海鮮燉飯（$115）啲蜆仲多過啲飯，好味但係食完會變烏嘴狗，各位小心😂 🍝香濃肉醬千層闊麵（$95），好西式嘅選擇，面頭有啲烚蛋片，非常濃郁，好味過唔少西餐廳嘅出品。 逢星期一至五叫以上主食加25蚊仲可以配特飲。 餐廳食物類型豐富，除咗一般cafe食品外，連醬油蝦蟹🦀、韓式豬手、飯卷都有，充滿驚喜。 #祝大家生日快樂