全港首創一人🦐🦀🐟蒸氣火鍋

最近落雨天氣又凍返 諗起一間開業左6年嘅火鍋店 主打全港首創嘅一人海鮮蒸氣火鍋 位與位之間仲有拉簾 完美享受日式般嘅私密用餐體驗🤤 ❣️九品芝麻套餐 $218 🥢三點刺身(北寄貝,甘蝦,帆立貝) 🥢炸物(章魚燒2粒) 實實在在唔空心 足料章魚燒整叫即整 加入章魚粒 放滿紫菜絲木魚碎好香😛 🥢海鮮: 白蜆、蝦、鮑魚、鮮魚片、大蜆 蜆類焗一陣間就全部打開晒 一籃仔白蜆足足有成10隻 打開之後原先收埋係入面嘅海水成為最完美嘅調味料🥹 三隻大蝦好新鮮 旁邊有海鮮魚缸 話唔定係即叫即撈 零雪味唔會出現爛肉情況🤩 鮮魚片彷彿好似魚生咁 帶魚皮無骨 新鮮靚嘅魚真係清蒸就食到魚鮮味🤓 🥢肉類: 美國肥牛, 豚肉片 肥牛雪花分布平均 厚薄適中 用魚湯輕輕淥一淥就食得 牛味香濃 唔需要額外任何調味料😌 🥢三寶丸(牛骨濃汁牛丸, 薑汁皮蛋貢丸, 招牌墨魚丸) 🥢蔬菜拼盤 一份有齊南瓜 翠玉瓜 粟米 冬菇 金菇 娃娃菜 生菜 樣樣都有啲都幾多元化😳 🥢甜品(雪米糍) ❣️內務總管套餐 $288 🥢三點刺身(北寄貝,甘蝦,帆立貝) 🥢炸物(日式炸雞3粒) 同樣係熱辣辣 外脆內軟keep到好juicy 一口一粒啱啱好 喺海鮮未蒸熟之前口痕食吓都幾過癮😆 🥢海鮮: 白蜆、蝦、鮑魚、蟹(半隻)、元貝、大蜆 半隻蟹起左個殼清楚見到裏面啲肉 蒸左無耐就急不及待拎起嚟啜 鮮甜蟹肉吸左芋頭南瓜粥嘅精華 令甜上加甜😍 元貝極大隻 絕對大過五蚊銀 按指示清蒸5分鐘 有種似熟非熟嘅口感好正好爽口☺️ 🥢肉類: 美國肥牛, 雞腿肉 呢個雞髀肉真係不得不提 蒸完之後仲可以好似低溫慢煮咁嘅口感 食落超級嫩滑 就算連底層都做到幼嫩不鞋口😱好誇張 🥢三寶丸(牛骨濃汁牛丸, 薑汁皮蛋貢丸, 招牌墨魚丸) 一份三粒不過3粒都唔一樣各有特色 牛骨湯整成嘅牛丸超香牛味 而皮蛋貢丸有淡淡薑汁 造成爆汁效果 至於墨魚丸包裹住粒粒墨魚肉 咬落勁有口感🥳 🥢蔬菜拼盤 🥢甜品(雪米糍) 💓唔記得話你知枱面上有張烹飪時間指引㗎 列出曬每一種海鮮所需嘅蒸焗時間🥺簡單保留最鮮味 超級貼心 #社群相聚

平均消費
HK$279
地址
船渦 Boat Boat Steam
香港銅鑼灣謝斐道500號維安商業大廈3/F
評分
4/5
👍
👍
下一篇載入中