⛸️🐾Pet on Ice❄️溜冰初體驗🧊

好開心上星期三 Jasper同朋友仔率先去咗香港首個歡迎狗狗嘅溜冰場 The Rink 體驗❄️冰上寵物樂⛸️ 對爬媽而言，太耐無溜冰，其實同唔識無分別，但媽媽們都係偉大嘅，勇字放心口就落場🤣 但前提係，The Rink嘅安排都令我放心🫶🏻 1. 每個時段最多4隻狗狗＋主人 2. 有毛孩專用車提供，車上設有2條安全扣帶，避免毛孩係冰上跳車 3.溜冰指定範圍以膠欄分隔，劃分了溜冰場大概1/4左右 4.溜冰期間，有2-3個哥哥姐姐從旁協助 雖然毛孩無得落場，但坐係車車涼浸浸，唔洗郁都感受到速度嘅馳騁，都係一個好特別嘅體驗☺️冰上肥爬的形成🤣 每次一想當年，溜冰最多都係學生時期，回憶中同朋友之間嘅笑聲＆戀愛泡泡🫧🥰今次重拾10年前嘅溜冰情懷，同小情人 Jasper同享冰場上嘅樂趣，感覺依然歷久常新😚🍭 📍Elements - The Rink 🗓️逢星期一至三 (10am - 5pm) 🐶活動適用於小型及中型犬 🧦需自備長襪 💵租鞋費用全免，寵主入場費＄1.1/分鐘(八達通)＋毛孩專用車＄100（現金） (費用及其他資訊，以官方專頁作準）