抵食手製pizza 仲有一款隱藏美食？

次次行過見到有間專賣薄嘅手製pizza，但係一直都未有機會試，今次終於試到喇！🍕😍 因為唔知食邊款好，實在太過花多眼亂，所以就揀咗佢地嘅王牌柚子胡椒醬蟹膏蟹肉pizza🦀🍕，可以揀六吋($68)同埋十吋($108)，價錢真係非常相宜！等咗大概十分鐘就拎得，非常之快手，因為間鋪無堂食，只做外賣，所以就拎咗返屋企食！🚀🏠 返到屋企打開，食落個底仍然都係好脆，亦都係同佢所講一樣真係好夠薄！👍個味食落有啲似新加坡出名嘅胡椒蟹味🦀，食落真係有唔少蟹肉同埋蟹膏，再加上蕃茄醬🍅，酸酸甜甜，而胡椒又唔會太辣🌶️，食落仲有陣陣柚子香味，非常之過癮！ 如果鍾意自選配料呢到都可以滿足到你！可以揀六吋同埋十吋，有五種醬汁，包括：蜜糖🍯、香草醬🌿、燒烤醬🔥、千島醬、黑醋醬，仲有廿二種配料可以揀！其中，比較少見嘅銀魚柳同埋水瓜榴都有！👍😋 另外，仲有一款隱藏美食，係呢間餐廳唯一一款甜品，就係阿華田軟身曲奇($15)🍪，味道好有阿華田味，好似飲咗成杯阿華田落肚咁，曲奇非常鬆軟，但又唔會太甜！😋 Tips❤️: 留意返只做外賣無堂食架～ 如果人多嘅時候有機會要等十五分鐘以上，所以要預返多啲等候時間⏳ 📍地址： DOUBLE 8 PIZZERIA 九龍灣牛頭角道3號得寶商場地下22A號舖 營業時間：星期二-日 12:30-21:30 #攻略 #熱門菜式 #牛頭角 #九龍灣 #pizza #薄餅 #蟹肉 #手製pizza #西餐 #九龍灣美食 #牛頭角美食 #性價比 #九龍灣必食 #牛頭角必食