⭐️新蒲崗⭐️爸B燒⭐️一流串燒 宵夜熱點😍

#casualeateateat新蒲崗 Soy Egg 🥚同9 Flag 🏳️去新蒲崗食宵夜,講到宵夜點小得串燒,配埋啤酒真係一流😋 爸B燒 👨‍👧🔥 港式串燒 必試: 椒鹽燒賣🌶️ 椒鹽雞軟骨🍗 照燒白鱔🐟 環境🌟:4 食物🍽️:4 服務🧑:3 價錢💰:人均$200 是但總結: 氣氛好 野食好食 宵夜唔錯選擇😋 是但食評🌟💬 ✰環境😋 無華麗裝修 但氣氛加分😋 小店格局 無咩特別裝修🏡 但勝在乾淨企理 播住唔同流行廣東歌 聽住歌仔 飲下酒🍺 放鬆自在 🎵 ✰鹽燒馬友 ($98) 🐟 Juicy😋 燒到剛剛好,鎖住晒肉汁係入邊,一夾開塊皮,肉眼都見到D魚汁🐟 食入口,feel到嫩滑,魚油味濃🐟 如果唔驚咸,個皮都食得,夠脆口 個泰式汁夠開胃,甜甜酸酸,蒜味夠🧄,好似有d魚露味同青檸🍋 個汁有解一解個魚既油膩感,好夾😋 ✰椒鹽燒賣 ($12) 椒鹽雞軟骨 ($38) 🌶️🍗 椒鹽惹味 炸功一流😍 一定要趁熱食 一上枱 咋一聲食晒 實在太好食😍 椒鹽夠惹味🌶️ 平均包住每粒燒賣同雞軟骨 配埋啤酒真係一流🍺 燒賣好好食 炸到剛好 外脆內軟 熱辣辣🔥 本身粒賣有小小偏甜 但椒鹽個咸度又cover 到 可以煙韌小小 但整體已經十分之出色😍 雞軟骨夠爽脆,仲要有肉汁同帶小小肥肉🍗 肉汁加埋椒鹽味,濃郁有厚度既配搭😍 ✰鹽燒厚切牛舌 ($28) 🐄 偏腍 麻麻地🙂 牛脷偏腍,一咬就爛 應該係煮過再燒 牛味夠 夠入味 但果人偏向爽身既🙂 ✰照燒白鱔($25) 🐟 燒鰻魚既風味😋 燒得岩岩好 魚味香 魚油多 嫩滑🐟 照燒汁剛好,冇遮住魚味,夠肥美 食落有D似燒鰻魚🐟 如果可以爽身小小就更好😋 ✰燒茄子 ($38) 🍆蒜香十足😋 茄子保持著嫩滑既質地🍆 可以一梳梳夾起,運埋蓉蒜一齊食🧄 ✰燒鮑魚仔 ($20) 🦪 不過不失🙂 有小小老 但未到咬唔開 唔係好鮮甜 CP值其實ok🙂 ✰燒韭菜 ($15) 🥦 正常🙂 味道係濃郁既 有調味 ✰炭燒豬頸肉 ($52) 🐷 太腍 太甜😟 完全唔推介 首先豬頸肉既爽度無左,咬落下就係一塊腍既豬片🐷 然後無咩炭燒既味,唔知點解叫炭燒🔥 調味都太甜,似食緊超薄切豬片 地址:新蒲崗富源街19號地舖

平均消費
HK$200
地址
爸B燒 - 手作串燒
香港新蒲崗富源街19號
評分
4/5
下一篇載入中