【遊日攻略】人生必去！日本三大美景📸

大家「返鄉下」除咗瘋狂Shopping外🛍️，仲點少得打卡🌟！「日本三大美景」被堪稱為人生必去嘅景點😍，計劃行程嗰陣記得加入List！ 1️⃣松島 松島位於宮城縣，由260座大小島嶼組成，島上充滿大量黑松同紅松，因此命名為松島🌲。松島一年四季都有唔同景觀，當中以富山、扇谷、大鷹森同多聞山較受歡迎，被稱為「松島四大觀」～建議大家以遊覽船作遊覽方式🚢，有時間亦都可以去附近嘅「瑞巖寺」同「五大堂」參觀，感受日本嘅歷史同傳統文化🗾！ 2️⃣天橋立 天橋立位於京都，係長約3.6公里橫跨阿蘇海嘅沙洲🏝️，特殊嘅自然景觀，吸引唔少人慕名而來！企喺其中一邊望向另一邊，沙洲就好似橫跨天空嘅橋樑咁，亦因此命名為「天橋立」～特別推介大家去「傘松公園」嘅觀景台🚡，彎低腰然後從自己胯下向後望，雖然呢個觀賞方式比較奇特，但相信會帶俾大家一個另類嘅體驗🤣！ 3️⃣宮島 宮島位於廣島縣，當中嘅「嚴島神社」係世界文化遺產，亦係日本最古老嘅建築之一🤩！整座「嚴島神社」都係海上興建，退潮或漲潮展現出唔同景觀面貌，而超宏偉嘅「海中大鳥居」⛩️亦係打卡必去嘅景點～喺宮島仲可以見到好多被喻為「神的使者」嘅鹿🦌，大家不妨可以同埋佢哋一齊打卡啊！ ---------- 📸＞按此贏走麒麟一番搾啤酒及「和風餐具禮品套裝」＜！ #ULifestyle社群密密送