拍下拖輕鬆下🥰-鴨脷洲一日遊⭐️😎

平時行街都係特登搭車出銅鑼灣嗰啲😌今次唔行商場,特登plan咗喺鴨脷洲嚟個一日遊😮‍💨住咗咁耐都未認真feel過呢區嘅特色😗 ⭐️第一站- 風之塔公園+洪聖古廟 揀咗喺鴨脷洲嘅風之塔公園做第一站🤤俾佢個大型帆船造型嘅擺設吸引咗,係幾壯觀!行埋啲睇先知原來佢係觀景台,上埋去仲可以睇成個香港仔避風塘,咁啱嗰日天氣幾好添!而洪聖古廟係已經有200年歷史,仲係法定古蹟添🤓 ⭐️第二站-香港仔舢舨遊 其實除咗搭街渡去香港仔之外,都好少機會會喺避風塘入面游嚟游去,幾好奇入邊有咩🧐之前上網見到浪遊漁港1773有做呢個香港仔嘅遊船河,所以就叫埋老公報名參加🤭 到咗集合地點洪聖廟個碼頭之後就安排上傳統嘅舢舨⛵️工作人員即刻就派咗語音導賞嘅設備比我哋,聽住導航了解成個香港仔漁村嘅歷史同以前漁民係點樣生活🐟枉為住喺鴨脷洲嘅人,我完全係一知半解🥲 中段船長駛咗過去太白海鮮舫,雖然珍寶已經石沉大海, 但好彩嘅係太白都仲叫暫時得到保存😮‍💨雖然冇得上去,但都可以同海鮮舫嚟個合照做紀念,希望太白可以keep住喺到啦,始終都係香港特色🙏🏻 遊咗避風塘一轉之後就上咗去 “曬家艇”參觀,本身係水上人住嘅地方,而家主辦方就將佢改建做一個生活館,入面有唔同嘅展品包括相片、漁民使用嘅捕魚工具🎣 個package包埋碗艇仔粉,唔使特登搏運氣同去海傍排隊😀大地魚湯湯底夠曬鮮味,係正嘅😋加埋啲燒味啖啖肉,香口到不得了 ⭐️第三站-海怡半島 喺洪聖廟個碼頭解散之後,行咗上去海怡海傍嗰邊😌好耐冇同老公拖手仔拍拖,望住一望無際嘅海景,真係勁浪漫🤤 Foodboiiii 小評語🤎 曬家艇幾有特色,個艇仔粉都唔錯🍲大家記得趁消失之前食啦! 環境 🤎🤎🤎🤎🤎 食物 🤎🤎🤎🤎 交通 🤎🤎🤎

地址
鴨脷洲
香港鴨脷洲
評分
5/5
個舢舨遊係唔係可以隨時搭?
下一篇載入中