2023/01/09

🤍🖤🧡 合味盜雞胸肉🐥好味道 相信大家對即食雞胸肉都唔陌生啦!近排即食雞胸肉嘅口味五花八門,玩到岀神入化😂貪新鮮嘅Hatty又買咗幾款特別味😛 今次係喺ig shop 買嘅,其實佢哋前身係做café ,不過經歷一場火災,無法再繼續經營,依家就轉型做即食慢煮雞胸🐥佢哋嘅雞胸肉開袋即食,唔想食冷盤嘅時候都可以用熱水浸一浸😚好方便! 買嘅時候有11款口味,除咗以下味道仲有花雕味😆同埋限定口味 🌶️一稟麻辣 雞煲嘅味道,麻麻辣辣仲有花椒香 🍲和風照燒 日本米酒、味醂、醬油、芝麻,味道豐富 🧂黑胡椒海鹽 經典配搭帶出雞肉鮮味 🥘泰皇冬陰功 酸酸辣辣香料味足夠好開胃 🍜合味盜香辣 某杯麵牌子味道,惹味令人上癮 🇰🇷大韓人蔘 新鮮人蔘同丹蔘滋補,活血通經 🇨🇭太瓶館瑞士 香甜豉油味,不死甜 🐥海南薑蔥蓉 薑蔥蓉好香,撈飯食一流 🎃南瓜 鮮甜南瓜味,雞肉內充滿南瓜湯汁 🥩原味(無任何添加) 可以自行調味,或者幫毛孩加餐 以上9款味道,合味盜香辣最深得我心🥰香辣惹味!有時口痕,又想過下癮 就食返件🤤開袋即食真係好方便!

平均消費
HK$30
評分
4/5
下一篇載入中