琵琶湖之旅 第二話

今集我哋會從大阪出發到滋賀縣嘅長濱，先買個抵玩嘅pass🎫可以玩盡長濱，之後就去當地嘅人氣立食居酒屋🍻體驗下立食文化😋，醫飽個肚之後就show pass🎫入展館🏯，我哋仲會入住一間可以近距離欣賞到琵琶湖美景🏝嘅湖畔度假酒店🏨，食埋當地嘅名物近江牛🐂及鮒魚壽司🐠添，係懷石料理嚟㗎😋 長濱市係位於滋賀縣嘅北部城市，西側臨近琵琶湖🏝，而琵琶湖係日本最大嘅湖泊，佔有滋賀縣六分一嘅面積 長濱係一個浪漫💞而又古樸嘅城市，好正得推介💪 到達長濱餓餓地先到立食居酒屋ほっこくスタンド度體驗下立食文化，位於北國街道嘅入口，係去黑壁廣場必經之路，google map有成4.7分，套餐有1100yen及1200yen，包2杯酒及小食，我哋兩個套餐都叫齊，性價比高又好食，而且老闆仲好好人，嚟開長濱玩一定要嚟呢間居酒屋試下😋 食飽後利用呢隻［長浜おでかけパスポート］長濱觀光護照入咗兩個展館，有關護照詳細資料稍後有另一篇文章介紹，敬請收看 慶雲館 係日本國家級名勝 至今已有超過百年嘅歷史，係明治時期長浜富商建造嘅迎賓館，亦係明治天皇的行宮。 而家變成咗公共觀光設施，開放俾大眾參觀。 呢度每年嘅1月上旬到3月上旬都會舉辦“長浜盆梅展”， 可惜我哋去到嘅時候已經完結。 不過都唔緊要，因為館裏都有好多展示，例如有天皇夫婦使用過嘅玉座，亦保留咗响明治時代嘅照明器具等文物 另外，慶雲館嘅庭園亦好有看頭，庭景清雅閑靜 入館料 300yen 長濱鐵道廣場 係由三個區域組成嘅鐵道博物館。 日本現存最古老嘅火車站建築「舊長濱車站大樓」、展示真實的SL列車同埋柴油列車嘅「北陸線電氣化紀念館」以及向後代傳達長濱鐵道文化嘅「長濱鐵道文化博物館」 我哋覺得呢個展館好值得參觀 入館料 300yen 時間不早，其他展館留待第二日參觀，因為呢個長濱觀光護照係two day pass，所以先回酒店休息😝 北ビワコホテル グラツィエ ¥19570 /人 一泊二食 晚餐係懷石料理，早餐係buffet 呢間酒店嘅賣點係可以响房內近距離咁欣賞到琵琶湖嘅景色，而東邊亦可以眺望到伊吹山，所以就算响房內都感受到大自然氣息 不過因為呢間酒店都比較有歷史，所以房內亦都係遺留咗一啲歲月痕跡，不過都算乾淨企理 想進一步了解更多相關資訊，我哋4月21號晚上9點會準時出片🎬，有興趣嘅朋友請click 入去我哋魚堅日記嘅YouTube channel 收看👀 #日本 #琵琶湖 #日本自由行 #日本居酒屋 #滋賀縣 #長濱市 (此文章由U Blog 同步發佈至社群)