深圳炭烤人氣活鰻魚店

昨天返深圳食嘢，去咗一間之前已經bookmark 咗的人氣食店「北村韓食」， 聽說單是排隊等候要至少一小時， 究竟吃什麼呢 ？就係活烤鳗魚，我哋係福田口岸用高德地圖call 車直接去食店，$25 搞掂，11:10 左右去到餐廳，先拿籌，等11:30餐廳開門，就可以入座，好幸運拿了8 號籌，第一輪可以食，遲多5 分鐘到就要食第二輪，成店門口已經是人潮。 餐廳主打活烤鰻魚，門口魚缸放了好生猛鰻魚，即點即劏，十分新鮮！ 自助醬料同小菜，有泡菜，酸蘿蔔片，韓式大豆芽同醬汁海帶，全自助形式，可以再refill ，重有南瓜粥。 （RMB $5 /位） 炭烤活鰻魚（RMB 168 整條，RMB 98 半份） 我哋三個人，先叫了一整條鰻魚之後再encore半條， 用炭火燒的鰻魚，很有風味，整條鰻魚上檯最為吸睛，真係相機📷食先的時間，上檯時，鰻魚頭還是活生生的，重點係碳烤過程由店員小鮮肉同美女負責，等著吃就可以了😌。 鰻魚是厚切，店員烤到外皮金黃焦脆，之後問會配上鰻魚醬一起烤，我哋就叫店員半份加鰻魚醬，半份原味道，個人覺得加了鰻魚醬的烤鰻魚就濃味一些，原味道的鰻魚加些鹽，再包紫菜同生菜更好吃，鰻魚味道很鮮，口感飽滿，食落都脆口，不過不是爽彈那種，由於小妹係首爾都食過烤鰻魚，個人覺得首爾那間好食D，我估因為鰻魚種類有些不同，但在深圳吃就平好多😁。 厚切黑豬五花肉 RMB 48 厚切的黑🐷五花腩，帶點點厚肥瘦平均，加了香草調味，烤至金黃，味道都唔錯。 我哋不是叫餐，沒有跟生菜，需要額外單點 RMB 16 重有其它菜式，北韓鮮醬油蟹，薄切泡汁牛舌，牛排等等。 埋單RMB 355 ，每人 RMB 120 左右，相當抵食。 我哋食完好飽就行去地鐵站 - 梅村，原來又唔係好遠，大約7-8 分鐘。 💡小貼士： 如果唔想等咁耐，建議開舖前先到，等一陣就可以，如果唔係食第二輪，至少等一個鐘以上架。 北村韓食（梅林店） 梅豐社區梅華路103號 ⏰：11:30-14:30;16:30-24:00 📍：地鐵梅村C2出口，步行約7-8分 #一齊飛#深圳美食#福田區美食#深圳一日遊 #深圳美食推介#Jackodailylife