台灣必試人氣火鍋!一流體驗!性價比超高!青花驕

今次去台灣試咗台灣好強人氣,香港人都必去嘅火鍋店 - 青花驕🍲😋。 青花驕喺台北有好多分店,今次去咗位於光復南路嘅分店。店外設有露營打卡位🏕️,店內係現代加古典感嘅精緻裝修,座位舒適而且寬敞,好靚!☺️ 一入店,店員就好好又細心咁介紹菜式同食火鍋要注意嘅嘢。佢哋有兩種不同火鍋湯底可供選擇,麻辣味和酸菜白肉鍋湯底。😋台灣最出名係食麻辣火鍋,食得辣嘅朋友當然係試麻辣火鍋湯底,但可惜我哋因為唔食得辣,所以最後揀咗酸菜湯底,但係都好好味!🥺😂😋 點完餐之後店員仲提供埋圍巾,比客人可以圍住身體,咁就唔怕吃火鍋弄髒自己嘅衫。店內設有好大嘅醬料區,有胡麻醬、蘿蔔泥、蔥花、辣椒、蒜頭、醋汁等,包你可以調配到自己鐘意嘅醬😋😋。每枱會有一壺青花烏龍茶,飲落散發出淡淡的清香同少少青花椒麻感,感覺好特別,又好好飲,好適合配火鍋去解油膩,好正! ~ 牛三拼盛宴 $858 (新台幣) ~ 仙氣海宴 $798 (新台幣) 必點火鍋配料係仙氣海宴(海鮮)同埋牛三拼盛宴😋😋。全部擺盤都超級靚,上枱已經係咁打卡📸,而且份量好多,$200港幣左右就足夠4個人食,超級抵食。海鮮種類好豐富,有鮑魚,大蝦,元貝等,食落都好新鮮。牛三拼送上枱嘅時候真係有啲被嚇到,裝滿一個要兩隻手先拎得到嘅大碟上,超級有霸氣😆😍😍🥩🥩🥩🥩。牛肉建議由外至內咁去食,分別係美國牛小排、美國雪花牛、美國牛梅花共有三種牛肉,牛肉品質都好,滾到五至七成熟都已經超級好味😋,性價比高,香港冇可能做到😆。 呢度環境好乾淨,而且有好強嘅通風,打完成晚邊爐件衫都冇殘留任何氣味。😆👍🏻 我哋第一次試這個青花驕,依家終於明白佢最近點解咁受歡迎。絕對會推薦畀火鍋控😍😂。因為週同埋晚飯時間都超多人,記得提前預訂,咁就唔使大排長龍等好耐! 青花驕麻辣鍋(台北光復南店) 📍台北市大安區光復南路100號 推介程度:❤️❤️❤️❤️❤️ #必試 #人氣 #火鍋 #青花驕 #牛肉 #海鮮 #火鍋控 #打邊爐 #景點 #台灣 #台北 #台北火鍋 #taipei #自由行 #必去 #好去處 #熱門菜式 #打卡 #攻略 #chill #週末 #快閃之旅#快閃

平均消費
HK$200
地址
青花驕麻辣鍋台北光復南店
106台灣台北市大安區光復南路100號
評分
5/5
👍
G
下一篇載入中