日本過江龍拉麵店，東京店更連續5年獲得米芝蓮一星🌟

#全民打卡企劃 尖沙咀開咗金色不如帰後一直都未有機會去試，咁岩今日係附近收工，約埋個同事一齊去食拉麵！ 日本過江龍拉麵店，東京店更連續5年獲得米芝蓮一星！有一定信心保證！ （辛）豚骨辛拉麵 三層肉肥瘦分明，肉質軟淋入味～拉麵煙韌有咬口，唔會煮得過淋，軟硬適中，食落充滿口感！湯底夠濃郁，配上辛辣口味肉碎，啱哂鐘意重口味既我～ （醬）貝汁醬油拉麵 呢款拉麵係餐廳既推介之選！用上蜆湯、豬骨清湯、魚清湯三重湯底熬製而成，飲落有濃濃海鮮味，鮮香味濃～再加上牛肝菌粉及牛肝菌油點綴，令成個湯底另有一番滋味！朋友仲追加左溏心蛋同低溫叉燒。用低溫慢煮既方法去處理叉燒，令到叉燒比一般更加軟滑且唔會柴口，同時亦都充滿肉汁，好正！！ 一口芝士脆豚 一層豚肉包裹住芝士，再裹上麵包糠去炸。一咬開啲芝士就已經爆曬出嚟。脆卜卜，好惹味！