大阪城造型和牛盛合 呢間喺銅鑼彎開咗數月嘅日式燒肉店，成間餐廳裝潢都以日本大阪做主題，而當中最特別係以大阪城造型裝住數款和牛嘅盛合，食燒肉點少得冰凍啤酒 大阪城和牛五點盛合$358 由頂層到最下層分別有牛舌、和牛三角、和牛肋條、和牛磚、和牛五花，一個盛盒就嘆到5款不同和牛部位，牛舌都夠厚同爽口，其他和牛都算肉質嫩腍帶肉香，仲有牛脂香氣 朋友唔食牛就點咗豚肉，西班牙黑毛豚腩肥瘦適中，燒到兩邊焦香入口肉質柔軟，油香都突出，另外鹽燒豬頸肉都夠肥美嫩腍 仲有點了海鮮，蒜燒珍寶生蠔好新鮮肥美，牛油鹽蒜元貝都夠厚肉大隻，蒜香配海鮮嚟燒好惹味 殿堂玉子飯配和牛肉食最夾，可減低成口油嘅膩感，最鍾意橙紅色蛋黃夠蛋香，撈飯食一流 餐廳：燒肉の殿堂 地址：銅鑼灣駱克道459-461號The L. Square9樓 #燒肉の殿堂 #銅鑼灣美食 #燒肉 #艾迪 #愛食愛玩愛享受