🔸️ASOK Thai Garden 📍尖沙咀亞士厘道37號地舖 今日喺尖沙咀活動完，行一陣後見肚餓，就同朋友去亞士厘道附近搵嘢食。朋友推介呢間，佢之前食既質素唔錯~平日嘅晏晝非常爆，今次星期日兩點幾到，唔需要排隊亦都仲有空位。 🗨️飛天小椰菜 $78 首先中，嚟咗小椰野菜，好惹味既微辣。佢係成棵小椰菜煮，但個菜頭無切開，亦都無切走菜頭污糟既部份，有啲怪？ 🗨️黃咖哩雞配薄餅 $98 雞肉意外地嫩滑，個咖哩配埋薄餅，真係食唔停，叫飯應該食到三碗，好香，好好撈飯😋 🗨️冬陰功大頭蝦意粉 $158 意粉個蝦要大讚，兩大隻蝦之餘，蝦肉新鮮同嫩，唔會煮到好死實。冬陰功個味道尾同意粉都好襯，微微酸酸嘅辣味，愈食愈想食 呢度嘅環境唔錯，非常適合打卡，鋪頭亦好乾淨，野食又掂，絕對有下次~，注意返，星期日係冇午市套餐架，全部散叫！