九份山城必試阿妹茶樓！嘆高山名茶睇絕美夕陽夜景！

今次去台北試咗位於九份山城嘅阿妹茶樓，一邊欣賞黃昏夜景，一邊嘆台灣高山名茶，真係一個好正嘅體驗！😍 阿妹茶樓係一座兩層好有中式古典感嘅歷史建築，茶樓裝修係以木造為主，深色和淺色木嘅交雜和圓木柱令餐廳充滿古色古香嘅感覺🤎。因為太多人的關係，下層已經坐滿人，我哋被安排坐到二樓嘅半開放露天座位。呢度真係超靚，可以俯瞰到遠處海灣同街道嘅美景，咁啱當日天氣好，仲可以見到時基隆港同太平洋海岸嘅風景！😍 茶樓嘅menu 係用竹子做成，非常特別同典雅。因為係下午茶時間去到，餐牌係有茶飲同小食可以選擇，而茶有很多不種類嘅台灣高山茶揀，最後揀咗金宣茶一齊飲，同埋燒魷魚絲作為小食。 落完單一陣店員會過嚟教我哋點樣沖泡茶葉。第一回沖嘅水可以不要，主要攞嚟沖洗茶葉。沖第二次可以焗住一陣，之後嘅茶就可以飲了。倒落茶杯後可以攞起，聞下茶香。果然係台灣名茶，可以聞到超香高山茶香氣，飲落十分甘甜回味，茶味濃得嚟係清薄嘅口感，好順口，飲完真係好舒服。🥰😌 燒魷魚絲係啱啱好烘熱的，又脆又煙靭，魷魚味好香濃，食到停唔到口。一路食住小食，嘆住好飲嘅高山茶，望住海景真係有種療癒嘅感覺。 最正嘅係今次可以見到黃昏景慢慢變成傍晚嘅山海景色，感覺超夢幻！而夜景更是令人著迷，店內和樓下無數嘅點著嘅紅燈籠高高掛，遠近睇都非常之靚！🤩🏮🏮🌌真係超級迷人的山上茶館，真係強烈推薦！ 今次有機會去到九份山城必試嘅阿妹茶樓，嘆到高山名茶睇到絕美夕陽夜景，真係好正。而飲茶用剩嘅茶葉可以帶番屋企😆遲啲可以再次回味番！😋😋😍😍🤎 阿妹茶樓 A-MEI Tea House 新北市瑞芳區市下巷20號 費用： 茶葉$500（新台幣） 再加每人茶費$100（新台幣） 燒魷魚絲$120（新台幣） 營業時間：星期一至日 10 am - 9:30 pm 推介程度：❤️❤️❤️❤️❤️ #阿妹茶樓 #千與千尋 #基隆港 #海景 #台灣 #台北 #台北茶樓 #高山茶#台北景點 #台灣茶 #絕美夕陽夜景#夕陽#夜景#taipei #自由行 #必去 #好去處 #九份#熱門菜式 #打卡 #攻略 #chill #週末 #快閃之旅#快閃