灣仔高質法式小館🇫🇷

#灣地地膽今次去蘭杜街嘅ÔDELICE French Kitchen品嚐法式晚餐🍴餐牌主打法式食物、生蠔等；二人餐可以試哂招牌菜，跟餐有湯、頭盤、主菜及甜品🍮，仲可以八五折點生蠔🦪！值得推介！ 🇫🇷Dinner Set for Two🍴 $538 🦪法國生蠔 $145/4 pcs 我比較鐘意食爽口嘅蠔，法國蠔就啱哂我！蠔肉肉質厚實爽甜；蠔味清新帶點海水味，十分好食！ 🥣是日餐湯係青豆忌廉湯，湯頭淡淡青豆味道，入口散發薄荷香氣，跟左一片麵包沾湯汁食十分滋味 🐚蕃茄茴香酒煮蜆：滿滿蜆肉，鮮嫩爽甜冇沙，以酸酸甜甜嘅鮮蕃茄同茴香作醬汁，惹味又開胃！ 🦀軟殼蟹意大利飯 配龍蝦汁：大大隻炸到酥脆嘅軟殼蟹；外脆內軟，蟹膏香氣濃郁，蟹肉味道鮮甜，龍蝦汁配煮得飯粒分明嘅意大利飯，味道香濃又惹味！ 🥩澳洲肉眼牛排：澳洲肉眼牛排係跟套餐加$30升級嘅；配左黑松露紅酒汁；燒烤到外皮帶點焦香；肉質5成熟煮得軟嫩香滑！肉汁爆滿！牛肉味濃郁！配菜跟了脆卜卜薯條！ 🥞花生朱古力可麗餅：甜品令我驚喜萬分！薄薄嘅Crêpe上面有花生雪糕、朱古力醬和花生醬、花生碎等，味道香甜，口感豐富，必點之選！ 🍷飲品點了house red wine 同Refresh Me Ice Tea; 美酒配美食！下次再來！ Odelice! (蘭杜街) (灣仔) 地址📍：灣仔蘭杜街2號地下9號舖