最喜歡就睇住大廚製作，然後熱辣辣食落肚，正呀！仲可以係睇的過咗自學一下，鍾意整嘢食嘅人就睇得好開心！ 今日見到呢間即製的Crepe 好吸引，就想試下。座位不多，但開放式的設計，好多空間，感覺寬敞，坐得舒適自在。 期間限定開心果、合桃和蜂巢可麗餅配香草雪糕非常靚。薄餅皮厚度適中，味道甜美，仲有啲檸檬酸，好夾！暖暖地的可麗餅加埋可口的果仁、冰凍的雪糕和滋潤甜美的蜂巢，好味！ 秘製瑞士芝士汁配黑松露帶子加鮮嫩菠菜脹卜卜，饀料爆到邊位都見到，夾着鮮嫩的帶子，仲有爽口的蘑菇和幼嫩的菠菜，豐富！ 抹茶燕麥奶咖啡拉花馬馬，但抹茶和咖啡都好香濃，都幾甘苦，用來配甜味可麗餅就最岩。 岩鹽焦糖鮮奶咖啡甜度剛好，同樣有咖啡香，好飲！ #社群時間囊