K11 嘅法國料理

喺冇乜大期望之下，竟然有驚喜😍，每一道菜都好岩食。 最先上嘅係麵包，可以refill 的，不過我哋就嫌麵包同牛油都冇乜特別，所以食咗一個就收手。 不過之後嘅前菜同主菜就好精彩。 前菜：吞拿魚配橙醬。刺身鮮甜再配上特製嘅醬，入囗好 match。 另一碟前菜係鵝肝，入囗味道不會太過羶，而且好肥美。 主菜： 白身魚。 魚入面伴有帶子，肉厚而且好嫩滑。 另一道係羊架，火喉控制得好好，囗感岩岩好。 我哋亦相信餐廳將羊會產生羶味嘅脂肪處理得好好，所以入囗不會有太強烈嘅羶味，令平時食唔到羊嘅我都覺得好食。 另外，每款主菜都會跟一小碟白汁長通粉，岩哂冇澱粉質不歡嘅我🤣。 最後係甜品，又係有啲驚喜。 唔係大路嘅 petit cake ，而係一道叫蘋果餅配栗子及榛子醬嘅甜品。 餅乾再點埋啲醬一齊食，又幾特別。 最後跟餐仲有餐茶。 呢餐味道係有驚喜嘅，但美中不足嘅係每一道菜嘅份量都偏細，食完都唔係幾夠飽🤣🤣。 #西餐廳#打卡美食#Foodie#九龍美食